Афарбоўка валасоў і хімзавіўка ў спёку не пажаданы, а найлепей валасы заплятаць у касу
У гарачы час года лепш адмовіцца ад афарбоўкі і хімічнай завіўкі валасоў, мяркуе трэнер нацыянальнай зборнай па жаночых відах работ,цырульнік-мадэльер Наталля Хаданава.
«Лета для валасоў — цяжкі сезон, таму ў спёку не трэба падвяргаць іх моцным выпрабаванням, да якіх адносяцца любыя віды хімічнай завіўкі і радыкальнае змяненне колеру. Лепш адмовіцца ад тэрмічнай укладкі і наогул ахоўваць валасы ад рэзкага перападу тэмператур, — адзначыла Наталля Хаданава. — Але вось без кандыцыянера абысціся нельга».
Калі прычоска патрабуе штодзённай укладкі, лепш прымяняць гель з сонцаахоўным фільтрам, лічыць спецыяліст. У спёку важна выкарыстоўваць спецыяльныя сонцаахоўныя сродкі для валасоў, прычым выкарыстоўваць іх трэба нават калі вы не выязджаеце з горада. Гэта розныя маскі, бальзамы, крэмы, апалосквальнікі.
У гарачы час года пажадана як мага менш карыстацца фенам.
Лепш даць валасам магчымасць высахнуць натуральным шляхам, а не падвяргаць іх дадатковаму стрэсу.
На думку спецыяліста, заплеценыя ў касу валасы — самая ўдачная ўкладка для летняй спёкі. Да таго ж гэта не толькі прывабна выглядае, але і дае магчымасць ахаваць валасы ад шкоднага ўльтрафіялету
Цяпер чытаюць
Анжаліка Мельнікава пасля знікнення набыла дзве кватэры ў Мінску100
Каментары