Такі ўказ сёння падпісаў Аляксандр Лукашэнка.
Аляксандр Лукашэнка 2 жніўня падпісаў указ нумар 400 «Аб накіраванні ваеннаслужачых Узброеных Сіл Рэспублікі Беларусь для ўдзелу ў дзейнасці па падтрыманню міжнароднага міру і бяспекі ў Ліванскай Рэспубліцы».
Указам кіраўніка краіны для ўдзелу ў дзейнасці па падтрыманню міжнароднага міру і бяспекі ў склад Часовых сіл Арганізацыі Аб’яднаных Нацый у Ліванскай Рэспубліцы накіроўваецца група прадстаўнікоў Узброеных Сіл Рэспублікі Беларусь у колькасці 9 чалавек.
Ваеннаслужачыя Беларусі прымуць удзел у місіі ААН у якасці афіцэраў штаба місіі, урачоў шпіталя, а таксама спецыялістаў па ваенна‑грамадзянскаму ўзаемадзеянню. Функцыянальныя абавязкі беларускіх прадстаўнікоў будуць звязаны з інфармацыйным забеспячэннем дзейнасці місіі, аказаннем медыцынскай дапамогі міратворцам, ажыццяўленнем узаемадзеяння Часовых сіл з грамадзянскім насельніцтвам і грамадскімі арганізацыямі.
Рашэнне аб накіраванні беларускіх спецыялістаў прынята на падставе абавязацельстваў Беларусі, што вынікаюць з далучэння рэспублікі ў 2001 годзе да сістэмы рэзервовых пагадненняў ААН, якія рэгулююць удзел дзяржаў — членаў арганізацыі ў міратворчай дзейнасці,а таксама ў адпаведнасці з Законам Рэспублікі Беларусь ад 29 лістапада 2003 года нумар 254‑З «Аб парадку накіравання ваеннаслужачых, асоб начальніцкага і радавога складу органаў унутраных спраў, органаў фінансавых расследаванняў Камітэта дзяржаўнага кантролю Рэспублікі Беларусь, органаў і падраздзяленняў па надзвычайных сітуацыях, пракурорскіх работнікаў, грамадзянскага персаналу за межы Рэспублікі Беларусь для ўдзелу ў дзейнасці па падтрыманню міжнароднага міру і бяспекі».
Падрыхтоўка беларускіх міратворцаў праводзілася ў строгай адпаведнасці з прынцыпамі добраахвотнасці ўдзелу, прававой і сацыяльнай абароненасці міратворцаў, усебаковага матэрыяльнага і тэхнічнага забеспячэння.
Выкананне гэтага ўказа пацвердзіць прыхільнасць Рэспублікі Беларусь да справы ўмацавання міжнароднага міру пад эгідай ААН і ў адпаведнасці з прынцыпамі міжнароднага права, а таксама дасць магчымасць узмацніць пазіцыі краіны на міжнароднай арэне, стварыць новыя механізмы для рэалізацыі яе знешнепалітычных інтарэсаў.
Цяпер чытаюць
Беларуска кліча на вяселле зорку «Універа», які за вайну. Упрэгся ўвесь Threads13
Каментары