Ён быў прысвечаны трагічным угодкам масавага растрэлу нацыянальнай эліты.
20.25
Прысутныя праспявалі гімн «Магутны Божа», а Р.Кастусёў прапанаваў зрабіць «Пікет памяці» штогадовым.
Некалькі чалавек паставілі знічкі на ганак будынку КДБ.
Акцыя скончаная.
20.20
Рыгор Кастусёў выступіў з каротакй прамовай, у якой узгадаў аб сталінскіх рэпрэсіях уцэлым і канкрэтна аб ночы з 29 на 30 кастрычніка 1937 году. Палітык заявіў, што пасля перамогі ў будынку КДБ павінен размясціцца музей рэпрэсій.
Прайшла хвіліна цішыні.
Да акцыі таксама далучыліся М.Статкевіч, А.Янукевіч, В.Сіўчык, А.Фінкевіч.
20.10
Людзей на акцыі пабольшала, зараз у ёй удзельнічае каля 70 чалавек.
Да Рыгора Кастусёва падыйшоў прадстаўнік праваахоўных органаў, папрасіў не перашкаджаць руху і не перакрываць ходнікаў і праезжай часткі.
Сцягоў паболела — зараз іх шэсць. Алесь Лагвінец да свайго сцягу прымацаваў жалобную чорную стужку.
Шмат прадстаўнікоў кампаніі «Гавары праўду!». Ад каманды Саннікава нікога не бачна.
20.00
Акцыя пачалася.
Прысутнічаюць Р.Кастусёў, В.Рымашэўскі, П.Севярынец, Ю.Глушакоў, А.Міхалевіч, У.Някляеў, А.Дзмітрыеў.
Ля бюста Дзяржынскаму насупраць будынку КДБ сабралася каля двух дзесяткаў чалавек. Актывісты БНФ узнялі два
- «Пікет памяці» прысвечаны трагічным угодкам масавага растрэлу нацыянальнай эліты ў Мінскай турме НКВД у ноч з 29 на 30 кастрычніка 1937 года.
Як вядома, у ноч з 29 на 30 кастрычніка 1937 года ў цяперашняй турме КДБ былі знішчаныя некалькі дзясяткаў прадстаўнікоў беларускай інтэлігенцыі.
Сярод забітых былі пісьменнікі Алесь Дудар, Тодар Кляшторны, Міхась Зарэцкі, Аляксандр Чарнушэвіч, Міхась Чарот, дзеячы навукі, культуры, мастацтва. Тая ноч сталася апагеем знішчэння беларускай нацыянальнай інтэлігенцыі.
Каментары