Ці да чаго прыводзяць дзіцячыя жарты.
У Мастоўскім раёне ў выніку няшчаснага выпадку загінула 8-гадовае дзіця.
Трагедыя адбылася раніцай 7 лістапада. Васьмігадовы хлопчык разам са сваімі стрыечнымі братамі гуляў недалёка ад дома, каля сталовай. За пунктам грамадскага харчавання праходзяць дзве трубы цеплатрасы, а побач знаходзіцца дрэва. Дзеці збудавалі там «тарзанку», на якой каталіся, адштурхоўваючыся ад труб.
Хлопчык вырашыў пажартаваць, звязаў з вяроўкі пятлю, крыкнуў братам, што павесіцца, і надзеў пятлю на шыю.
Паблізу бегаў беспрытульны сабака, які ў гэты момант раптам скочыў дзіцяці на ногі. Яно паслізнулася і звалілася з трубы.
З пятлі хлопчыка дастала жанчына, якая ўбачыла ўсё з акна аўтобуса, але выратаваць дзіця ўжо не атрымалася.
Каментары