20 лістапада ў Мінску адбыўся прагляд дакументальнага фільма «Як пошуг маланкі».
20 лістапада ў Мінску адбыўся прагляд дакументальнага фільма «Як пошуг маланкі» пра антысаветчыка Расціслава Лапіцкага.
Чарговы фільм Валерыя Мазынскага стаў другой стужкай рэжысёра, прысвечанай Лапіцкаму. Здымаўся ён для тэлеканала «Белсат».
Фільм прысвечаны пасляваеннаму антысавецкаму супраціву на Мядзельшчыне-Смаргоншчыне і яго лідару 20-гадоваму Расціславу Лапіцкаму. Падпольная арганізацыя была выкрытая НКУС, пасля чаго маладых людзей асудзілі. Паплечнікі і сябры Лапіцкага атрымалі па 25 гадоў зняволення, а сам Расціслаў быў расстраляны: ён адмовіўся ад памілавання.
Імя антысаветчыка вярнуў з забыцця гісторык Міхась Чарняўскі, напісаўшы кнігу «Як пошуг маланкі». Ён стварыў і сцэнар для фільма.
Прэзентацыя стужкі прайшла ў «Кнігарні Ў». Атмасферу эпохі стварылі шматлікія савецкія плакаты, неахайна развешаныя на сценах і кніжных паліцах:
«Релігія — яд, берегі ребят», «Будь бдітельным», «Спецназ НКВД на службе Родіны».
Удзел у прэзентацыі ўзялі рэжысёр Валерый Мазынскі, Уладзімір Шульжыцкі і Аляксей Кавалец, якія сыгралі Лапіцкага і савецкага вайскоўцу адпаведна. «Было цяжка, але цікава. Падчас здымкаў я ледзь не адмарозіў ногі. Цяпер разумею, як няпроста было Лапіцкаму і яго сябрам», — адзначыў Шульжыцкі.
Мастак Алесь Цыркуноў прэзентаваў карціну, прысвечаную расстралянаму герою. «Я напісаў яе, калі яшчэ не было гэтай кніжкі і гэтага фільма. Мы ведалі зусім мала пра Расціслава Лапіцкага, але ўжо тады я вырашыў увекавечыць яго імя» — адзначыў Цыркуноў. На карціне адлюстраваны Лапіцкі і дваццаць яго паплечнікаў. Унізе — аўчарка і акрываўленая рука савецкага следчага.
Паглядзець фільм можна тут.
-
Максім Знак апублікаваў свае музычныя запісы на стрымінгах
-
Калі ў 1979‑м «Каласы пад сярпом тваім» выйшлі па-руску накладам 100 тысяч асобнікаў, імі гандлявалі мінскія таксісты. Настолькі папулярны быў Караткевіч
-
Прыцкераўская прэмія 2026 года дасталася чылійцу, які стварае міражы. Яго эстэтыка крохкасці перамагла манументальны пафас
Цяпер чытаюць
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»6
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць99
Каментары