Рэдакцыя атрымала адказ на сваё хадайніцтва.
Рэдакцыя «Нашай Нівы» атрымала з Упраўлення КДБ па Мінску і Мінскай вобласці адказ на хадайніцтва ў справе вяртання камп’ютарнай тэхнікі.
У сваім хадайніцтве Рэдакцыя падкрэслівала, што адсутнасць тэхнікі, забранай падчас ператрусаў ў рэдакцыі, а таксама дома ў галоўнага рэдактара газеты Андрэя Скурко і ў фотакарэспандэнта «НН» Юліі Дарашкевіч, стварае перашкоды ў прафесійнай дзейнасці супрацоўнікаў. «НН» звярталася з прапановай вярнуць хаця б тую частку камп’ютараў, што болей не патрэбная ў мэтах следства.
Копіі звароту былі дасланыя ў Генеральную пракуратуру і пракуратуру Мінска. Адтуль раней прыйшлі паведамленні, што лісты пераскіраваныя для адказу ў КДБ.
У адказе з Упраўлення КДБ па Мінску і Мінскай вобласці за подпісам в.а кіраўніка палкоўніка Уладзіміра Калача паведамляецца, што «рэчы будуць вернутыя пасля правядзення неабходных працэсуальных дзеянняў». І гэта прытым, што некаторыя з вынятых носьбітаў інфармацыі былі зусім пустыя.
На нашу думку, гэтыя зацяжкі сведчаць, што мэтай ператрусаў і вымання тэхнікі былі не толькі «следчыя дзеянні», але і жаданне ўскладніць працу незалежным СМІ.
-
400‑тысячны артыкул апублікаваны на сайце «Нашай Нівы». А пра што былі 300-тысячны, 200-тысячны, 100-тысячны?
-
А мы вам казалі: «не думайце, што гэта капейкі»! Сталі вядомыя звесткі, колькі падаходнага беларусы Літвы пералічылі розным грамадскім структурам
-
Калі вы працуеце ў Польшчы, то можаце за хвіліну падтрымаць «Нашу Ніву» 1,5% падаходнага, не патраціўшы ані гроша. Вось як
Цяпер чытаюць
22‑гадовы Віктар з-пад Клецка пратрымаўся на фронце месяц. А пасля бацькі перасварыліся, дзелячы грабавыя3
Каментары