Нацбанк па-ранейшаму прадае каштоўныя металы ў злітках толькі за валюту
56-працэнтнае павышэнне афіцыйнага курсу долара да беларускага рубля не змяніла парадаккуплі-продажу Нацбанкам каштоўных металаў у мерных злітках: зліткі выкупляюцца ў юрыдычных і фізічных асоб за беларускія рублі, а прадаюцца за замежную валюту. Пры гэтым цана куплі ў рублях вырасла ў сярэднім на велічыню дэвальвацыі.
Напрыклад, кошт куплі 1 г золата з сертыфікатам якасці павышана са 163.540 да 261.290 рублёў (на 59,8%), 5 г — з 767.380 да 1.217.710 (на 58,7%), 10 г — з 1.519.040 да 2.415.700 (на 59%), 100 г — з 15.077.130 да 23.949.940 (на 58,8%), 500 г — з 75.303.880 да 119.606.730 (на 58,8%), 1кг — са 150.560.590 да 239.144.440 (на 58,8%).
Злітак серабра масай 10 г можна прадаць 24 мая за 83.810 рублёў (днём раней — за 53.470; рост цаны на 56,7%), 100 г — за 601.460 (380.550; +58,1%), 1 кг — за 5.546.250 (3.519.260; +57,6%).
Нацбанк купіць 1 г плаціны за 330.310 рублёў (213.860; +54,5%), 10 г — за 2.819.960 (1.811.520; +55,7%), 100 г — за 27.943.240 (17.945.370; +55,7%), 500 г — за 139.607.740 (89.663.950; +55,7%).
Крыху павялічылася цана продажу золата і серабра ў злітках. 1 г золата для юр- і фізасоб (акрамя банкаў) каштуе 61 долар (днём раней — 60), 5 г — 284 (280), 10 г — 563 (556), 100 г — 5.440 (5.369), 1 кг — 54.329 (53.618).
Кошт зліткаў серабра 10, 20 і 50 не змяніўся (22, 38 і 83 долара), найбольш цяжкіх — вырасла (100 г — са 151 да 152, 250 г — з 354 да 356, 500 г — з 697 да 702, 1 кг — з 1.398 да 1.407).
Плаціна патаннела: 1 г — з 78 да 77 долараў, 5 г — з 336 да 334, 10 г — з 662 да 658, 100 г — з 6.391 да 6.348, 500 г — з 31.932 да 31.716.
У сувязі з крызісам на валютным рынку і ажыятажным попытам на каштоўныя металы продаж мерных зліткаў за рублі ў сярэдзіне красавіка быў спынены.
Цяпер чытаюць
Як у галечы співалася радня Лукашэнкі? Малавядомыя факты27
Каментары