Па выніках таргоў 4 жніўня індэкс Dow Jones знізіўся на 4,31%, склаўшы 11383,68 пункта.
Гэта самае значнае падзенне Dow, зафіксаванае пры закрыцці таргоў, з кастрычніка 2008 года, паведамляе Associated Press.
Індэкс NASDAQ ўпаў на 5,08%, дасягнуўшы 2556,39 пункта.
Асноўныя амерыканскія тэлеканалы — АВС, CBS і NBC — перапынілі праз гэта свае праграмы і выйшлі ў эфір з экстранным выпускам навін.
Зніжэнне асноўных індэксаў адбылося на фоне падпісання ў пачатку тыдня прэзідэнтам Баракам Абамам закона аб узняцці столі дзярждоўгу, што дапамагло пазбегнуць дэфолту, які амерыканскі ўрад мог абвясціць па сваіх даўгавых абавязаннях ужо ў пачатку жніўня.
Песімізм апанаваў рынкі пасля таго як Еўропа не здолела загасіць фінансавы пажар у Грэцыі, а ЗША не распрацавалі рэалістычнага плана зніжэння дзяржаўнага доўгу.
Цяпер чытаюць
На пратэстанцкі фестываль у «Чыжоўку-Арэну» едзе амерыканскі прапаведнік Франклін Грэм. Разам з ім чакаюць Коўла з жонкай20
Каментары