Чарговы працоўны тыдзень ў Гомелі зноў выявіў адсутнасць у гарадскіх крамах свініны і ялавічыны.
У буйной краме «Асарці» на вуліцы Перамогі ў продажы меліся толькі куры. Ні свініны, ні ялавічыны.
Дырэктар крамы Васіль Шаўчук: «Дзесяць хвілін таму ў мяне прынялі заяўку на свініну. Хутка будзе. Мясакамбінаты спасылаюцца на няхватку сыравіны. Мы заяўку даем пастаянна. Калі бывае магчымасць, яе выконваюць. Імкнемся працаваць з усімі вытворцамі, але як атрымліваецца, тое і маем. Відаць, ёсць нейкія часовыя цяжкасці — нам не тлумачаць.
Проста спасылаюцца на недахоп сыравіны».
Вельмі маркотна выглядае мясная вітрына ў краме «Родная старонка» на праспекце Леніна. Уражанне такое, што тут даўно наступіў «ледніковы перыяд». Выразна бачны хіба толькі свіныя ногі, іншае нават цяжка разабраць. Тлумачэнні дае загадчыца крамы: «Гэта — фарш, ногі. Што там у нас далей ідзе? Ныркі. Субпрадукты ў нас таксама не ўсе і не заўсёды. Заяўкі мясакамбінат не ўсе выконвае. У асноўным бярэм з гомельскага. Як тлумачаць на мясакамбінаце,
зараз у іх няма сыравіны».
Разнастайнасцю не вызначаецца і мясная вітрына фірмовай крамы Гомельскага мясакамбіната, што месціцца на праспекце Леніна, за дзвесце метраў ад аблвыканкама. На вітрыне — сальная свініна па 25 тысяч рублёў, эскалоп у латочку і субпрадукты.
Дырэктарка крамы ад каментару адмаўляецца. Затое прадавачка кажа, што яшчэ зусім нядаўна асартымент прадукцыі быў значна лепшым: «У нас яшчэ тыдзень таму была паляндвіца, асобна шыйная частка, эскалопная, філейка цэлая.
Былі, былі, але ўжо ўсё прадалі. Зараз, відаць, няма запасаў».
Бедна выглядалі і вітрыны фірмовай крамы
У камерцыйным аддзеле камбінату «Сож» адсутнасць мяснога асартыменту ў сваіх крамах тлумачаць проста: забойны цэх часова не працуе, да верасня свінні падрастаюць: «На дадзены момант у нас закрыты забойны цэх, таму мы не забяспечваем. Казалі, што да верасня. Думаю, у сярэдзіне верасня ўсё будзе. Часова проста зачынены, пакуль падгадоўваем свіней».
Гамяльчук, які наведваў фірмовую краму, гэтак выказаўся адносна дэфіцыту мяса: «У горадзе нідзе няма мяса.
Справа ў тым, што яго скупляюць расіяне і хахлы. Мяса знікла з прылаўкаў».
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску6
Каментары