Парк ператварыўся ў велізарную прычасаную пустку з відам на шэрыя шматпавярхоўкі Серабранкі.
10 верасня адбылося адкрыццё Лошыцкага парку. Праўда, анансаванае афіцыйнае адкрыццё з удзелам прадстаўнікоў Мінгарвыканкама так і не адбылося. Атмасферу свята стваралі найлепшыя творчыя сілы Ленінскага раёна.
Па парку шпацыравалі рыцары, вазакі прапанавалі пракаціцца на канях, дзеці маглі заняцца маляваннем. Для тых, хто хацеў перакусіць, працаваў выязны гандаль і кафэ, гандлявалі ў тым ліку і алкаголем.
Па сведчанні карэспандэнта БелаПАН,
пасля рэканструкцыі Лошыцкі парк ператварыўся з прыемнага месца з шырокімі алеямі і зацішнымі сцяжынкамі ў велізарную прычасаную пустку з веладарожкамі, маладымі дрэвамі і відам на шэрыя шматпавярхоўкі Серабранкі.
Надаем, яшчэ ў 2008 году праект рэканструкцыі Лошыцкага парку і ландшафтна-рэкрэацыйнай зоны ў пойме Свіслачы выклікаў занепакоенасць мінчукоў і шэрагу грамадскіх арганізацый.
Першае згадванне пра Лошыцу адносіцца да 1557 году.Сам парк і цэнтральная ліпавая алея былі закладзеныя ў другой палове XVIII стагоддзя графам Станіславам Прушынскім.
Цяпер чытаюць
Чаму ўлады маўчаць пра прычыны разбурэння дома ў Гомелі і якія ёсць версіі1
Каментары