28 верасня міліцыянты правялі дагляд кватэры ў Юрыя Сілкіна з Жодзіна.
Па словах Юрыя, гэта быў дагляд, а не ператрус. Бо шукалі канкрэтна ўлёткі з заклікамі прыняць удзел у Народным сходзе. Падставай стала нібыта скарга нейкіх грамадзян, якія патрабавалі канфіскаваць тыя матэрыялы.
Ніякіх улётак у кватэры Сілкіна не знайшлі.
Але забралі некалькі асобнікаў бюлетэняў «Працоўная салідарнасць» і «Салідарнасць Міншчыны». Таксама забралі дыскі з песнямі на словы Уладзіміра Някляева. Міліцыянты сказалі, што праслухаюць іх і вярнуць, калі не знойдуць у іх крамолы.
Юрый Сілкін збіраў у Жодзіне подпісы ў падтрымку правядзення Народнага сходу 8 кастрычніка. З гэтай дзейнасцю ён і звязвае правядзенне дагляду.
Каментары