ПАРЕ: Беларускія ўлады свядома паварочваюцца спінай да Еўропы
Беларускія ўлады свядома паварочваюцца спінай да Еўропы і яе каштоўнасцяў. Да такой высновы прыйшлі ўдзельнікі пасяджэння палітычнага камітэта Парламенцкай асамблеі Рады Еўропы (ПАРЕ), якое прайшло 15 снежня ў Страсбургу.
Як паведамілі ў
Камітэт выказаў глыбокую занепакоенасць сітуацыяй з правамі чалавека, грамадзянскімі і палітычнымі правамі ў Беларусі.
На думку камітэта, санкцыі Еўрасаюза ў дачыненні да афіцыйнага Мінска павінны захоўвацца і нават узмацняцца датуль, пакуль не будуць вызваленыя палітзняволеныя, не спыніцца ціск і пераслед палітычнай апазіцыі, незалежных СМІ і праваабаронцаў.
Апрача таго, кантакты на высокім узроўні ПАРЕ з беларускімі ўладамі не павінны быць адноўлены да ўвядзення ў Беларусі мараторыя на смяротную кару. Да гэтага моманту павінна заставацца замарожанай і заяўка Беларусі на вяртанне беларускаму парламенту статусу спецыяльнага запрошанага ў ПАРЕ.
Разам з тым палітычны камітэт асамблеі лічыць неабходным узмацніць падтрымку грамадзянскай супольнасці, незалежных СМІ і дэмакратычных сіл Беларусі.
Цяпер чытаюць
Колькі беларусаў галасавала за Лукашэнку на ранейшых выбарах? Апублікаваныя закрытыя лічбы дзяржаўных апытанняў15
Каментары