Фолк-гурт «Guda» зняў мадэрны кліп на архаічную беларускую песню.
Вядомы сваёй выкшталцонай нацыянальнай стылістыкай
У Беларусi распавядалі пра русалак не як пра маладзіц з рыбінымі хвастамі, а як пра прыгожых дзяўчатах, аголеных або апранутых у белае адзенне, якія з’яўляліся ў часе красавання, налівання збажыны, а зьнікалі ўвосень, зімою.
Русалкі — не толькі ахоўніцы жыта, якімі палохалі дзяцей, каб яны не хадзілі таптаць палеткі. Яны былі ўвасабленнем самога поля, яго жыццядайнай сілы.(Якія блізкія словы — жыта і жыццё.)
Калі зжыналі поле, паміраў і яго дух. Каб на новае лета нарадзіцца ізноў. Гэтае незвычайна прыгожае міфалагічнае ўяўленне і ўвасоблена ў кліпе. Усе ролі ў ім выканалі спявачкі гурту «Guda». Русалку сыграла Вольга Тарасевіч.
Традыцыйную песню «За горэю крэмянэю» апрацаваў аранжыроўшчык і кампазітар Сяргей Воўк. Вакалісткам (а гурт зазвычай спявае традыцыйныя песні, а капэла) гэтым разам дапамаглі музыкі Ігар Сацэвіч і Аляксандр Сапега (джазавы гурт «Яблычная гарбата»), гітарыст Аляксандр Акульчык.
Здымачная група на чале з Палінай Пастушэнка здолела стварыць на архаічную песню надзвычай сучасны і густоўны кліп.
«За горэю крэмянэю» — частка «Русальнага праекту», які «Guda» распачала «Русальнай фотасесіяй».
Цяпер чытаюць
Адданага ябацьку, які абражаў Святлану Ціханоўскую ў Threads, кінулі за краты4
Каментары