З 25 снежня па 28 лютага ў Беларусі забаронена лоўля звычайнага ментуза, у якога ў гэты перыяд ідзе нераст.
Як паведамляецца на сайце Міністэрства прыродных рэсурсаў і аховы навакольнага асяроддзя, незаконная лоўля ментуза ў перыяд яго нерасту з’яўляецца адміністрацыйным правапарушэннем. За яго ўчыненне прадугледжана адміністрацыйная адказнасць у выглядзе штрафу ў памеры ад 10 да 50 базавых велічынь (ад 350 тыс. да 1 млн. 750 тыс. рублёў), а таксама кампенсацыя ўрону, нанесенага навакольнаму асяроддзю ў памеры 9 базавых велічынь (315 тыс.) за кожны асобнік незаконна вылаўленага ментуза. Калі памер нанесенага ўрону дасягае 40 (1 млн. 400 тыс.) і больш базавых велічынь, настае крымінальная адказнасць.
Мінпрыроды таксама нагадвае, што працягвае дзейнічаць забарона на лоўлю рака вузкапалага, якая працягнецца па 15 ліпеня. За незаконную лоўлю рака таксама прадугледжана адміністрацыйная адказнасць у выглядзе штрафу ў памеры ад 10 да 50 базавых велічынь. Кампенсацыя ўрону, нанесенага навакольнаму асяроддзю пры незаконным вылаве рака вузкапалага, ажыццяўляецца ў памеры 1,5 базавай велічыні (52,5 тыс.) за адну асобіну. Як і ў папярэднім выпадку, калі сума нанесенага ўрону дасягне 40 і больш базавых велічынь, настае крымінальная адказнасць.
Цяпер чытаюць
Што азначае з’яўленне выхадцаў з Беларусі ў расійскім спецпадраздзяленні для асабліва важных аперацый і тайных забойстваў?12
Каментары