На мінулым тыдні на год меней атрымаў кітайскі пісьменнік.
Ветэран кітайскага дэмакратычнага руху Чэнь Сі, які прымаў удзел у акцыі пратэсту на плошчы Цяньаньмэнь у 1989 годзе, асуджаны на 10 гадоў зняволення.
Чэнь Сі быў прызнаны вінаватым у падрыўной антыдзяржаўнай дзейнасці на працэсе, які доўжыўся некалькі гадзін. Ён апублікаваў у інтэрнэце артыкул, у якім раскрытыкаваў кітайскую кампартыю.
Чэнь Сі ўзначальваў праваабарончы форум у горадзе Гуйян на паўднёвым захадзе Кітая.
Праваабаронца некалькі разоў прысуджаўся да розных турэмным тэрмінаў пасля ўдзелу ў акцыях пратэсту ў 1989 годзе.
Эксперты кажуць, што ўлады Кітая даўно выкарыстоўваюць практыку турэмнага зняволення для ветэранаў дысідэнцкага руху з тым, каб прымусіць іх спыніць крытыку ўрада.
На мінулым тыдні за «падбухторванне да падрыўной дзейнасці супраць дзяржавы» 9 год турмы атрымаў кітайскі пісьменнік Чэнь Вэй.
Ён апублікаваў у інтэрнэце некалькі сваіх эсэ, якія заклікаюць да свабоды слова і рэформаў у аднапартыйным кітайскім грамадстве.
Каментары