Віцебскі актывіст КХП-БНФ Сяргей Каваленка працягвае галадоўку
Ён галадае ад 20 снежня.
Віцебскі актывіст Кансерватыўна-хрысціянскай партыі — БНФ Сяргей Каваленка працягвае галадоўку. Аб гэтым БелаПАН паведаміла яго жонка Алена Каваленка.
Паводле яе слоў, 23 студзеня Сяргея Каваленку наведаў адвакат. «Адвакат мне сказаў, што Каваленка выглядае дрэнна. Ён знясілены, але, нягледзячы на тое, што яго прымусова кормяць, сам ежу прымаць адмаўляецца. Паводле яго слоў, гэта яго спосаб і метад барацьбы супраць беззаконнасці», — сказала Алена Каваленка.
Яна адзначыла, што Сяргея Каваленку перавялі ў адзіночную камеру, і з ім практычна няма ніякай сувязі. «Я таксама хадзіла сёння ў СІЗА, але ваду для Сяргея мне зноў не дазволілі перадаць», — сказала Алена.
«Ваду ён, напэўна, п'е, інакш бы не трымаўся так доўга. Раней мне гаварылі, што ён можа купляць ваду ў ларку СІЗА. Аднак наколькі ён цяпер транспартабельны і ці можа хадзіць за вадой — вялікае пытанне», — адзначыла Алена.
Паводле яе слоў, адвакат перадаў Сяргею Каваленку пажаданні ўдзельнікаў канферэнцыі па вызваленні палітзняволеных, якая прайшла 19 студзеня ў Мінску, з тым каб ён спыніў галадоўку. «Аднак ён пакуль галадоўку не спыняе», — адзначыла яна.
Сяргей Каваленка з 19 снежня 2011 года знаходзіцца ў СІЗА і з 20 снежня праводзіць галадоўку ў знак пратэсту супраць свайго затрымання. Ён быў затрыманы ў рамках распачатай у дачыненні да яго справы па артыкуле 415 Крымінальнага кодэкса (ухіленне аб адбывання пакарання ў выглядзе абмежавання волі). Актывісту пагражае да трох гадоў пазбаўлення волі. Падставай для гэтага сталі нібыта чатыры парушэнні, якія Каваленка ўчыніў, адбываючы пакаранне.
Каваленку неаднаразова затрымлівала міліцыя за арганізацыю розных акцый. У маі 2010 года суд Кастрычніцкага раёна Віцебска прыгаварыў яго да трох гадоў пазбаўлення волі ўмоўна за вывешванне бел-чырвона-белага сцяга на галоўнай ёлцы Віцебска 7 студзеня. Гэты ўчынак быў кваліфікаваны ўладамі як !наўмысныя дзеянні, якія груба парушаюць грамадскі парадак і выказваюць яўную непавагу да грамадства».
-
РІА Навіны выдаліла тэкст пра вайну з Літвой. Бо «не адпавядае дзяржаўнай палітыцы»
-
РІА Навіны апублікавала калонку, што Расію чакае яшчэ адна «СВА» — з Літвой. А пасля выдаліла з пазнакай «Не адпавядае дзяржаўнай палітыцы»
-
Рэнтген-лабарантку з 38‑гадовым медыцынскім стажам адправілі ў калонію за палітыку
Цяпер чытаюць
Ён адкрыта называў расійскіх вайскоўцаў акупантамі, а расійскую ўладу — фашысцкай. За краты кінулі супрацоўніка МТБанка13
Ён адкрыта называў расійскіх вайскоўцаў акупантамі, а расійскую ўладу — фашысцкай. За краты кінулі супрацоўніка МТБанка
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі77
Каментары