Вярхоўны суд адмовіў у задавальненні нагляднай скаргі на прыгавор сустаршыні аргкамітэта па стварэнні партыі "Беларуская хрысціянская дэмакратыя" (БХД) Паўлу Севярынцу, паведаміў адвакат Севярынца Вадзім Мушынскі.
Паводле яго слоў, пра гэтае рашэнне Вярхоўнага суда ён праінфармаваў маці палітыка, Таццяну Севярынец. Пакуль, як сказаў адвакат, яны не абмяркоўвалі далейшыя дзеянні, але зазначыў, што маці Паўла разглядае магчымасць абскарджання прыгавору Севярынцу ў міжнародных інстанцыях.
***
16 мая 2011 года Севярынец, які падчас выбараў 2010 года кіраваў выбарчым штабам кандыдата ў прэзідэнты Віталя Рымашэўскага, быў прыгавораны судом Заводскага раёна Мінска да трох гадоў абмежавання волі на падставе ч. 1 арт. 342 Крымінальнага кодэкса (арганізацыя і падрыхтоўка дзеянняў, што груба парушалі грамадскі парадак, або актыўны ўдзел у іх). Ён адбывае пакаранне ў вёсцы Куплін Пружанскага раёна Брэсцкай вобласці.
Каментары