Адзін з асуджаных на смяротнае пакаранне па справе аб тэракце ў мінскім метро Уладзіслаў Кавалёў і ягоны адвакат скончылі знаёміцца з пратаколамі судовага паседжання.
Пра гэта паведаміў журналістам намеснік старшыні Вярхоўнага суда Беларусі Валерый Калінковіч. Ён не выключае, што Кавалёў і яго абарона могуць прадставіць дадатковую аргументацыю, і гэта зойме пэўны час. Ён не паведаміў пра тэрміны разгляду нагляднай скаргі Кавалёва.
Маці Уладзіслава Кавалёва, спадарыня Любоў, паведаміла, што
абарона рыхтуе наглядную скаргу і заўвагі на пратакол.Таксама яна сказала, што даслала скаргу ў пракуратуру, каб далі канкрэтны адказ наконт яе даверанасцяў.
«Яны мяне футболяць з Вярхоўнага суда ў пракуратуру, пракуратура ў КДБ, а КДБ зноў мяне накіроўвае ў пракуратуру. Я ўжо два месяцы не магу высветліць, дзе згубіліся мае скаргі на тое, што дзве давернасці, напісаныя сынам на вядзенне яго спраў, недзе згубіліся ў судзе».
Яна распавяла, што 23 студзеня не змагла сустрэцца з сынам
У сваім прашэнні на імя кіраўніка краіны Улад папрасіў яго памілаваць і зняць з яго крымінальную адказнасць.
31 студзеня Любоў Кавалёва атрымала ліст ад сына. Улад спадзяецца на сустрэчу ў лютым, цікавіцца яе паездкай у Страсбург.
«Мамуля, прывет табе вялікі, люблю цябе моцна і абдымаю. Дзякуй усім за падтрымку. Пакуль вы са мной, мяне на многа хопіць. Пішыце часцей, я таксама пастараюся».
Цяпер чытаюць
Пастар Грэм на «Чыжоўка-арэне» папрасіў маліцца за Лукашэнку і Пуціна. А сам маліўся за Трампа55
Каментары