Цяпер ён складае 144 трлн рублёў.
Дзяржаўны доўг Беларусі па выніках 2011 года вырас у 3,8 разу і склаў 144,134 трлн. рублёў. Пры гэтым за снежань у параўнанні з лістападам ён узрос на 15,9%, паведаміла Міністэрства фінансаў.
Аб’ём знешняга дзярждоўгу ў рублёвым эквіваленце вырас за мінулы год у 3,85 разу, у тым ліку на 8,6% за снежань — да 111,888 трлн. рублёў на 1 студзеня 2012 года.
Аб’ём унутранага дзярждоўгу склаў 32,246 трлн. рублёў, павялічыўшыся ў 3,5 разу за 2011 год, у тым ліку на 51,3% за снежань.
У структуры дзярждоўгу доўг цэнтральнага ўрада склаў 116,380 трлн. рублёў, павялічыўшыся ў 3,8 разу заДоўг суб’ектаў гаспадарання, гарантаваны ўрадам, склаў 27,754 трлн. рублёў, павялічыўшыся ў 3,6 разу за 2011 год, у тым ліку на 39,9% за снежань.студзень-снежань , у тым ліку на 11,4% за снежань.
Доўг цэнтральнага ўрада па метадалогіі статыстыкі дзяржаўных фінансаў МВФ уключае абавязацельствы ўрада па дзяржаўных каштоўных паперах, абавязацельствы ўрада перад Нацбанкам, па знешніх пазыках міжнародных фінансавых арганізацый, урадаў замежных дзяржаў і іншых замежных крэдытораў, а таксама абавязацельствы па прад’яўленых да выканання гарантыях урада.
Як адзначаюць у Мінфіне, рост дзяржаўнага доўгу ў беларускіх рублях абумоўлены пераацэнкай знешняга дзяржаўнага доўгу ў выніку дэвальвацыі нацыянальнай валюты ў маі і кастрычніку 2011 года.
Рост знешняга дзяржаўнага доўгу забяспечаны прыцягненнем нязвязаных крэдытных рэсурсаў для папаўнення золатавалютных рэзерваў. Гэта аблігацыі на міжнародным фінансавым рынку (800 млн. долараў), крэдыт Антыкрызіснага фонду ЕўрАзЭС (1,24 млрд. долараў), Ашчаднага банка Расіі (1 млрд. долараў). Таксама рост доўгу абумоўлены фінансаваннем за кошт знешніх дзяржаўных пазык (Кітай, МБРР) інвестыцыйных праектаў у сферы энергетыкі, прамысловасці будаўнічых матэрыялаў, сацыяльнай сферы.
Цяпер чытаюць
«Размаўляў увесь час па-беларуску». Павел Севярынец запісаў свой першы зварот пасля вызвалення12
«Размаўляў увесь час па-беларуску». Павел Севярынец запісаў свой першы зварот пасля вызвалення
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher22
Каментары