Ён перакананы, што прычына звальнення — палітычная.
Актывіста прафсаюзу работнікаў радыёэлектроннай прамысловасьці з Бабруйску Канстанціна Локцева, як высьветлілася, звольнілі яшчэ 17 студзеня.
Як ён сьцьвярджае, пра звальненьне яму паведамілі толькі 10 лютага тэлефанаваньнем.
Актывіст працаваў тэхнікам у аздараўленчым лягеры «Мара», што ў Бабруйскім раёне.Фармальная прычына звальненьня — прагул. Канстанцін Локцеў заяўляе, што ён не прагульваў і лічыць, што звольнілі яго праз грамадзкую дзейнасьць:
«Мне патэлефанавала супрацоўніца аддзелу кадраў і сказала, каб я прыйшоў, забраў працоўную кніжку і расьпісаўся ў загадзе. Сказала, што звольнілі за прагул 17 студзеня. Я зьдзіўлены, бо я працаваў і пасьля 17 студзеня. Начальства бачыла, як прыяжджаў і працаваў, у тым ліку ў выходныя дні. Я расьпісваўся ў дыспэтчара ў адмысловым журнале.
Прычына звальненьня — палітычная. Я агітаваў людзей, каб яны ўступалі ў незалежныя прафсаюзы. Быў старшынём аргкамітэту па правядзеньні ў Бабруйску „Народнага сходу“, за які адседзеў трое сутак пад арыштам».
1 лютага ў тэлефоннай гутарцы майстар кацельні паведаміў, што Локцева толькі зьбіраюцца звольніць. Прычына — прагул. Ён адмовіў, што работніка перасьледуюць за грамадзкую дзейнасьць.
Канстанцін Локцеў зьбіраецца скардзіцца ў пракуратуру й занальную інспэкцыю па працы на факт незаконнага, як ён лічыць, звальненьня.
-
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
-
«Байсол» абвінаваціў Стрыжака ў адмове перадаць кантроль над юрыдычнымі асобамі ў Польшчы і ЗША
-
Дэпартаваным палітвязням, каб абжыцца на новым месцы, зараз трэба простыя рэчы: вопратка, посуд, пасцель — збор
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам13
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2020
Каментары