Беларусы зарабляюць найменш у рэгіёне - інфаграфіка
Сярод краінаў-суседзяў у беларусаў самыя малыя даходы.
Нарэшце ўсе краіны апублікавалі снежаньскія звесткі па намінальна налічанаму заробку (гэта значыць заробку, з якога яшчэ не ўтрыманыя падаткі).
Аказалася, самыя высокія даходы цяпер у Польшчы — пад 1000 еўра ўжо. На 80 еўра менш у сярэднім зарабляюць эстонцы. Здзівілі заробкі расейцаў: сярэднестатыстычна яны апынуліся вышэйшымі, чым заробкі ў Латвіі і Літве. А ўкраінцы ў снежні атрымалі ў сярэднім на 30 еўра больш беларусаў.
На жаль, нашы заробкі апынуліся самымі маленькімі. Пры гэтым нават калі ў сярэднім мы будзем зарабляць абяцаныя 500 даляраў (або 375 еўра), то еўрапейцаў мы не дагонім, затое апярэдзім украінцаў, піша kp.by. Пры гэтым у Беларусі доля дзяржсектара ў эканоміцы найвышэйшая ў рэгіёне, нашмат большая, чым у іншых краінах. А гэта азначае, што і доля зарплат у крыніцах даходаў у Беларусі найбольшая.
Якія заробкі ў Беларусі і суседніх краінах *
Польшча — 945 еўра
Эстонія — 865 еўра
Расія — 721 еўра
Латвія — 676 еўра
Літва — 630 еўра
Украіна — 287 еўра
Беларусь — 257 еўра
***
Звесткі нацыянальных статыстычных службаў за снежань 2011 года.
Цяпер чытаюць
На пратэстанцкі фестываль у «Чыжоўку-Арэну» едзе амерыканскі прапаведнік Франклін Грэм. Разам з ім чакаюць Коўла з жонкай17
Каментары