2 красавіка (панядзелак) у Жодзінскім судзе пачаўся суд над былым палітвязнем Аляксандрам Малчанавым і ягоным сябрам Арцёмам Ігнацікавым.
Хлопцаў абвінавачваюць у крадзяжы металу з тэрыторыі мясцовага кавальскага завода цяжкіх штамповак. Паводле праваабаронцаў, якія прысутнічалі на першым судовым пасяджэнні, Аляксандр Малчанаў сваёй віны ў крадзяжы не прызнаў.
Былы палітвязень сказаў, што не разбіраў абсталявання, а толькі зьбіраў іржавыя мэталічныя прадметы на тэрыторыі цэха буйнога ліцця, які шмат гадоў не працуе.
Патрэбу зарабляць, збіраючы металалом, Аляксандр Малчанаў патлумачыў тым, што пасля таго як вызваліўся з калоніі, дзе ён адбываў 3 гады за Плошчу, яго звольнілі з «БелАЗа», а больш нікуды не бралі.
Ганна Шапуцька, якая назірала за працэсам, паведаміла: «Ён абышоў усё, дзе можна, але яго нідзе не бралі на працу як палітычнага. Гэтак і казалі адкрытым тэкстам, што мы цябе баімся браць. Ён часова займаўся разгрузкамі, хацеў аднавіцца на вучобу ў ВНУ, была такая мара, але вось давялося збіраць металалом, каб у тым ліку дапамагчы і маці».
Паводле Ганны Шапуцькі, на судзе прагучала сведчанне супрацоўніка завода пра вельмі нізкія кошты рэшткаў абсталявання ў цэху. Прыкладам, кран быў ацэнены ў 60 тысяч рублёў.
Працэс над Аляксандрам Малчанавым адновіцца 3 красавіка.
Цяпер чытаюць
Расійскі прадавец паспяховага поспеху паспрабаваў адкрыць філіял у Мінску. Рэакцыя беларусаў была паказальнай6
Расійскі прадавец паспяховага поспеху паспрабаваў адкрыць філіял у Мінску. Рэакцыя беларусаў была паказальнай
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць3333
Каментары