Офіс па правах людзей з інваліднасцю і журналіст Аляксандар Тамковіч прэзэнтавалі кнігу «Пераадоленьне».
Пра герояў сваёй пятнаццатай па ліку кнігі аўтар распавёў на сайце Беларускай асацыяцыі журналістаў:
«Хачу асабліва зьвярнуць увагу на гэтую кнігу, бо ўсе 12 герояў — інваліды, якія перамагаюць сваю хваробу. Многія зь іх, па сутнасьці, жывуць у вазках.
Калі я працаваў над гэтай кнігай, увесь час зьдзіўляўся незвычайнаму рытму жыцця гэтых людзей, іх працаздольнасьці, мужнасьці, празе да жыцьця. Зь некаторымі мне даводзілася сустракацца па некалькі разоў. Прычына — у іх неверагоднай загружанасьці. Часам нават не верылася, што перада мной хворыя людзі…
Уразілі ўсе размовы, а адна нават засмуціла. Гаворка пра гарадзенца Антона Сьвяклу, у якога атрафіраваныя ўсе цягліцы. Інтэрвію мне ён «настукаў» на клявіятуры кампутара… устаўленым ў зубы алоўкам.
А Святлана Бэнкс з Чысьці ня толькі напісала і выдала кнігу пра каханне, але і сама выйшла замуж за амерыканца Шайло Бэнкса. Напэўна, ў гэтым няма нічога незвычайнага, калі ня ўлічваць таго, што яна з самага дзяцінства «прышпіленая» да вазка.
Шчыра парадаваўся за нашу славутую параалімпійскую чэмпіёнку Людмілу Валчок, якая за час працы над кнігай нарадзіла дачку. Асабліва хачу адзначыць калегу Дашу Ліс, якую добра ведаюць у журналісцкім асяроддзі. Малайчына!
Шчыра ўдзячны за інфармацыйную дапамогу Офісу па правах людзей з інваліднасьцю і Сяргею Драздоўскаму ў прыватнасьці. Дарэчы, цяпер яны займаюцца перакладам на беларускую мову Канвэнцыі ААН па правах інвалідаў.
Электронны варыянт кнігі «Пераадоленьне» быў прэзэнтаваны ў Менску пры канцы сакавіка.
Цяпер чытаюць
22‑гадовы Віктар з-пад Клецка пратрымаўся на фронце месяц. А пасля бацькі перасварыліся, дзелячы грабавыя16
Каментары