Расследаванне справы ў дачыненні да Сашы Варламава працягнута да 20 жніўня
Расследаванне крымінальнай справы ў дачыненні да вядомага беларускага дызайнера Аляксандра Варламава працягнутае да 20 мая. Пра гэта БелаПАН паведаміў афіцыйны прадстаўнік Следчага камітэта Беларусі Ягор Лівай. Мера стрымання ў дачыненні да Варламава не змененая — ён застаецца пад вартай. новых абвінавачанняў яму не прад’яўлена.
Нагадаем, пацярпелымі і сведкамі па справе Варламава праходзяць больш чым 500 чалавек, у тым ліку звыш за 20 непаўналетніх. Ён быў зняволены пад варту 20 мая 2011 года. Апошні раз тэрмін расследавання працягваўся да 20 мая 2012 года.
У студзені гэтага года Варламаву былі выстаўленыя новыя абвінавачанні па ч. 4 арт. 209 КК ва ўчыненні ім махлярскіх дзеянняў,у тым ліку ў дачыненні да бацькоў непаўналетніх дзяцей, якія ўдзельнічалі ў паказах мод за мяжой. Устаноўлена, што, будучы ашуканымі, бацькі перадавалі Варламаву наяўныя грашовыя сродкі для аплаты праезду дзяцей за мяжу, іх пражыванне, а таксама на іншыя затраты. У той жа час фінансаванне гэтых расходаў ажыццяўлялася за кошт бюджэтных сродкаў і сродкаў БДУ.
Па крымінальнай справе ўстанаўліваюцца ўсе абставіны супрацьпраўнай дзейнасці абвінавачванага, звязанай з арганізацыяй і правядзеннем міжнародных паказаў у рамках фестывалю «Млын моды», незаконным расходаваннем бюджэтных сродкаў, прымаюцца меры па кампенсаванні прычыненага ўрону. У прыватнасці, следства правярае звесткі аб магчымым прысваенні Варламавым на працягу 2007–2010 гадоў выдзеленых з рэспубліканскага бюджэту грашовых сродкаў для камандзіравання ў краіны Еўропы ўдзельнікаў
Праводзяцца праверкі па фактах магчымага сістэматычнага крадзяжу Варламавым грашовых сродкаў, якія налічваліся падначаленым яму работнікам у якасці заработнай платы, матэрыяльнай дапамогі, прэмій.
Па крымінальнай справе, якая знаходзіцца ў вытворчасці ўпраўлення па расследаванні злачынстваў у сферы арганізаванай злачыннасці і карупцыі Следчага камітэта, Варламаву прад’яўлены абвінавачанні ва ўчыненні злачынстваў, прадугледжаных ч. 4 арт. 209, ч. 3 арт. 210, ч. 3 арт. 426 КК.
Аляксандр Варламаў з’яўляўся дырэктарам ПУП «Агенцтва моды Сашы Варламава», мастацкім кіраўніком Цэнтра сучаснага стылю і моды UNIVERSUM MODELS упраўлення па справах культуры БДУ, намеснікам старшыні арганізацыйнага камітэта рэспубліканскага
Вячаслаў Будкевіч, БелаПАН.
Каментары