Вінавацяць у прыхоўванні рэзкага памяншэння цаны акцый.
Акцыянеры сацыяльнай сеткі Facebook падалі ў суд на яе заснавальніка Марка Цукерберга і інвестыцыйны банк Morgan Stanley, абвінавачваючы іх у прыхоўванні ад кліентаў інфармацыі аб паніжэнні цаны каштоўных папер кампаніі.
У пазоўнай заяве, накіраванай у суд Манхэтэна, сцвярджаецца, што Facebook і Morgan Stanley схавалі ад трымальнікаў «рэзка выяўленае памяншэнне» прагназаванай цаны каштоўных папер.
Раней інспектары міністэрства фінансаў ЗША ўжо запытвалі ў інвестыцыйны банк, ці меў ён неабходную трымальнікам акцый інфармацыю на момант старту таргоў 18 мая.
Прадстаўнікі банка адкінулі ўсе абвінавачванні і заявілі, што дзейнічаюць строга ў адпаведнасці з існуючымі правіламі.
Раней паведамлялася, што суд амерыканскага штата Масачусетс пачалі расследаванне магчымых парушэнняў закону з боку банка Morgan Stanley пры правядзенні першаснага публічнага размяшчэння (IPO) акцый сацыяльнай сеткі.
За тры дні з пачатку таргоў акцыі Facebook патаннелі на 18% у параўнанні з стартавай цаной у 38 даляраў.
Цяпер чытаюць
На вайсковыя зборы масава забіраюць гродзенцаў. А што мінчукі? Падрыхтуйцеся, ваша чарга — 2027‑2028 гады3
Каментары