Усе дакументы для рэгістрацыі ініцыятыўнай групы ў справе зменаў выбарчага заканадаўства будуць перададзеныя ў ЦВК 24 мая.
«А 12-й гадзіне правядзем невялічкую нараду з каардынатарамі па абласцях. А пасля гэтага пойдзем у Цэнтравыбаркам. У групу ўваходзяць 300 чалавек. І я лічу, што гэтага дастаткова, каб сабраць неабходныя па законе 50 тысяч подпісаў», — паведаміў кіраўнік ініцыятыўнай групы, былы кандыдат у прэзідэнты Беларусі Дзмітрый Ус.
Асноўныя змены, якія прапануе ініцыятыўная група:
— кандыдаты ў прэзідэнты і дэпутаты павінны атрымаць права ўключэння сваіх прадстаўнікоў ва ўчастковыя выбарчыя камісіі;
— павінен быць асобны падлік галасоў па кожным кандыдаце, бюлетэні павінны раскладацца па асобных стосах, а перад гэтым паказвацца ўсім сябрам камісіі і назіральнікам;
— сябры камісій ад кандыдатаў маюць права паставіць на адваротным баку бюлетэня свае подпісы: гэта робіцца для таго, каб улады не маглі ўкідаць у скрыні дадатковыя бюлетэні.
Беларускае заканадаўства прадугледжвае змены выбарчых правілаў праз ініцыятыву грамадзян. Для гэтага існуе спецыяльны парадак.
Найперш ініцыятары перадаюць у Цэнтравыбаркам усе дакументы, неабходныя для рэгістрацыі ініцыятыўнай групы.
Цяпер чытаюць
Міністр сувязі: Абмежаванні мабільнага інтэрнэту закрануць 1,7 мільёна беларусаў9
Каментары