У мяне пытаюцца: хто выйграе, а хто прайграе ад свабоды? Ад свабоды выйграюць усе. Тут няма ніякага парадоксу. Нават тыя, хто сёння баіцца свабоды — і яны выйграюць ад свабоды.
(Тэкст дасланы прэс‑службай А.Мілінкевіча, ня ёсьць стэнаграмай выступу)
Вітаю вас, вольныя грамадзяне!
Вітаю смелых і сумленных людзей. Вы соль нашай зямлі, вы творцы нашай нацыі. Дзякуй вам, што прыйшлі сёння на Плошчу. Дзякуй, што прыйшлі з кветкамі, сцягамі і транспарантамі.
Яны хочуць, каб мы сядзелі дома. Наша справа кіраваць, ваша справа працаваць, кажуць яны. Гэта нашы плошчы, а вы ідзіце на балота на Бангалор, кажуць яны.
Не! Крыніца ўлады гэта мы – гэта народ. Гэта нашы плошчы. Гэта наша дзяржава.
Мы святкуем 25 Сакавіка – Дзень Волі як найвялікшае свята. Таму што ў гэты дзень беларускі народ узяў у свае рукі адказнасць за сваю краіну, за яе незалежнасць. Сення гарантыяй незалежнасці можа быць толькі дэмакратыя.
Шматтысячную беларускую Волю сёння павінны пачуць і пабачыць з вокнаў афіцыйнай тэлевізіі, якая стала хлусіць пра «некалькі соцен адмарозкаў», з званіцаў беларускіх храмаў, якія, стаяць на Плошчы Волі, з кабінетаў Адміністрацыі прэзідэнта, які ўжо забыў вучоныя ў школе словы Каліноўскага пра ўрад для народу, а не наадварот.
Беларусь стане дэмакратычнай. Калі? Пытаюцца мяне. На гэтае пытанне не бывае адказу. Галоўнае, каб перамены адбыліся без крыві. Тады перамены будуць незваротныя.
Беларусы не прымаюць насілля. У сваім змаганні за свабоду мы не пралілі ні кроплі крыві. Гэта менавіта нашу кроў пралівалі. Так, менавіта нашыя людзі сядзяць у турмах.
Лёгкія перамогі бываюць толькі ў кіно. За адзін раз гэта не робіцца. Трэба раз за разам, месяц за месяцам, год за годам змагацца за сваю Свабоду.
Еўропа прапануе нам дапамогу. Яна кажа: не бойцеся, мы падтрымаем вас. Еўропа складаецца з малых краін, такіх як Беларусь. Там ведаюць цану незалежнасці. Яны ведаюць, як няпроста гэта заваёўваецца.
З намі сёння дэпутаты Эўрапарламенту, нашы сябры з усяго сьвету. Яны прыехалі падтрымаць нас. Давайце скажам ім «шчырае дзякуй».
У мяне пытаюцца: хто выйграе, а хто прайграе ад свабоды? Ад свабоды выйграюць усе. Тут няма ніякага парадоксу. Нават тыя, хто сёння баіцца свабоды — і яны выйграюць ад свабоды. Яны яшчэ ўспомняць гэтыя словы.
Свабода — гэта рух ў тым ліку і Рух «За Свабоду». Гэтыя прыгожыя дзяўчыны ў памаранчовых бейсболках якраз і праводзяць запіс ў Рух «За Свабоду»
Беларусь пачынае рух да свабоды, Рух — За Свабоду!
Памнажайце на ксераксах газеты. Даставайце і раскідвайце улёткі. Перадавайце з рук у рукі фільмы, дыскі, кнігі. Зрывайце іх прапаганду. Упірайцеся. Трымайцеся свайго. Гучна або моўчкі пратэстуйце супраць кожнай няпраўды, кожнай несправядлівасці.
Хай кожны з вас напіша пісьмо палітвязням, нашым героям. Я нядаўна быў у Паўла Севярынца. Вітаньні сталіцы ад мужнага Паўла! Свабоду палітвязням!
Беларуская Воля азначае і Свабоду, і рашучасць. Сённяшняму беларускаму грамадству не хапае Волі. Волі — рашучасці, і волі — свабоды. Таму сёння Дзень Волі павінен стаць днём нашай рашучасці.
Свабода і рашучасць вымагаюць фармулявання канкрэтных патрабаванняў да рэжыму, якія б здолеў пералічыць любы актывіст дэмакратычных сілаў, якія паўтарыў бы без запінкі любы чыноўнік.
Гэтыя патрабаванні:
Свабоду і Незалужнасць Беларусі;
Свабоду палітзняволеным,
Свабоду выбару!
Свабоду слова!
У гэтыя хвіліны каля Нацыянальнай бібліятэкі ідзе канцэрт БРСМ за Незалежную Беларусь. Глядзіце: мы дабіліся прызнання 25 Сакавіка — нацыянальным святам.
Свабода і рашучасьць — гэта не таптанне на месцы ды слуханне прамоваў, Свабода — гэта рух і гэты рух павінен быць бачны асабліва сёння ў Дзень Волі.
Жыве Беларусь!
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?12
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?
«На працягу 30 гадоў незалежнасці беларускамоўныя бюлетэні задавальнялі ўсіх». Камуністы абвінавацілі Бондараву ў распальванні варожасці на моўнай глебе1616
Каментары