З 1 па 12 чэрвеня спажывецкія цэны выраслі на 0,9%, з пачатку года — на 9,5%
Пра гэта паведаміў Нацыянальны статыстычны камітэт.
Найбольшы прырост цэн з пачатку месяца адзначаны на хлеб і хлебабулачныя вырабы (3,7%), піва (1,9%), ялавічыну (акрамя бескасцёвага мяса), масла (па 1,7%), ялавічыну бескасцёвую (1,6%), маянэз (1,5%), каўбасу вараную першага гатунку і паўвэнджаную, паўфабрыкаты з мяса птушкі, тварог тлусты, кефір, сыр цвёрды і плаўлены, муку пшанічную, напоі безалкагольныя (0,6—1,3%), бензін (5,3%), тканіны (1,7%), паслугі дашкольных устаноў (9,2%), санаторна-аздараўленчыя паслугі (6,6%), жыллёва-камунальныя (6,5%), паслугі культуры (2,8%), пасажырскага транспарту (2,1%), бытавыя паслугі (1,3%).
Патаннеў алей (акрамя аліўкавага) — на 0,3%, проса — на 0,4%, марожаная рыба — на 0,6%, курыныя яйкі — на 0,9%, грэчка — на 1%.
За студзень—май цэны выраслі на 8,5%, з улікам 12 дзён чэрвеня — на 9,5%. Па выніках года ўрад разлічвае ўтрымаць інфляцыю ў межах 19—22%. У 2011 годзе спажывецкія цэны павялічыліся на 108,7%.
Цяпер чытаюць
Мінчанка Ангеліна, якая прасіла ў Лукашэнкі кватэру за тройню, атрымала жыллё9
Мінчанка Ангеліна, якая прасіла ў Лукашэнкі кватэру за тройню, атрымала жыллё
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Каментары