У краіне праходзіць спецаперацыя «Мак».
Буйная плантацыя канопляў выяўлена на тэрыторыі Лоеўскага раёна Гомельскай вобласці, паведамілі ў
Пасевы, якія займалі больш за 2 га плошчы, былі выяўленыя і знішчаныя супрацоўнікамі групы па наркакантролі і супрацьдзеянні гандлю людзьмі Лоеўскага РАУС сумесна з вайскоўцамі памежнай групы.
Мерапрыемствы па выяўленні пасеваў нарказмяшчальных раслін праводзяцца ў рамках адмысловай праграмы «Мак», рэалізацыя якой пачалася 1 чэрвеня. За гэты перыяд на тэрыторыі вобласці было выяўлена 230 пасеваў канопляў і маку. Знішчана больш за 15 т нарказмяшчальных раслін. Агульная плошча знішчаных незаконных пасеваў перавысіла 7,5 га.
У праваахоўных органах нагадалі, што за незаконны пасеў або вырошчванне нарказмяшчальных раслін прадугледжана адміністрацыйная і крымінальная адказнасць.
Спецаперацыя «Мак» традыцыйна праходзіць у Беларусі з 1 чэрвеня па 31 жніўня.Яе асноўная мэта — спыненне фактаў распаўсюджвання наркасыравіны расліннага паходжання, выяўленне і знішчэнне пасеваў нарказмяшчальных культур.
Цяпер чытаюць
Пракуратура пра смерць Мелказёрава: журналіст меў хранічную хваробу17
Каментары