Маці пакаранага за саўдзел у тэрарызме Уладзіслава Кавалёва мае намер дабівацца ад старшыні КДБ Вадзіма Зайцава пісьмовага адказу на патрабаванне вярнуць ёй запісы сына.
Як паведаміла Любоў Кавалёва, яе паўторны зварот да Зайцава быў атрыманы ў КДБ 16 ліпеня, пра што ёй паведамілі, аднак адказу пакуль не было.
Гэта другая спроба жанчыны высветліць лёс запісаў сына і атрымаць іх.Першая не мела поспеху. На яе зварот да старшыні КДБ ніхто афіцыйна не адказаў. Толькі быў званок нібыта з СІЗА і жаночы голас паведаміў, што ніякіх запісаў там няма. Нагадаем, пра гэта ж 28 мая заявіў начальнік цэнтра інфармацыі і грамадскіх сувязяў Камітэта дзяржбяспекі Аляксандр Антановіч.
Нагадаем, пасля выканання смяротнага прысуду Кавалёва атрымала па пошце з СІЗА КДБ пакет з асабістымі рэчамі сына.Аднак жоўтая папка, з якой Уладзіслаў хадзіў на пасяджэнні суда, была пустой. «З гэтай папкай ён быў на судзе, там знаходзіліся запісы, зробленыя ім падчас суда і пасля, калі яны з адвакатам знаёміліся з судовай справай для напісання касацыйнай скаргі. Улад вельмі прасіў, каб гэтыя запісы захавалі», — заявіла Кавалёва некалькі месяцаў таму.
Яна мяркуе, што ў запісах сына маглі згадвацца нейкія парушэнні ва ўтрыманні ў СІЗА, і таму іх забралі.«Але я не атрымала ніякіх дакументаў пра тое, напрыклад, што запісы сына былі знішчаныя ў законным парадку», — сказала маці пакаранага смерцю.
Цяпер чытаюць
Расійскі прадавец паспяховага поспеху паспрабаваў адкрыць філіял у Мінску. Рэакцыя беларусаў была паказальнай6
Расійскі прадавец паспяховага поспеху паспрабаваў адкрыць філіял у Мінску. Рэакцыя беларусаў была паказальнай
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць3434
Каментары