«З вялікай трывогай я атрымала сёння навіны з Мінска і Стакгольма аб тым, што беларускія ўлады вырашылі выслаць шведскага пасла Стэфана Эрыксана»,— заявіла вярхоўны прадстаўнік Еўрасаюза па пытаннях знешняй палітыкі і палітыкі бяспекі Кэтрын Эштан. Тэкст заявы размешчаны на яе афіцыйным сайце.
Яна падкрэсліла, што гэта рашэнне Мінска «парушае нормы адносін паміж дзяржавамі».
Паводле слоў Эштан, ЕС і Швецыя застаюцца прыхільнымі «мадэрнізацыі Беларусі і распаўсюджванню [у краіне] еўрапейскіх каштоўнасцяў, асабліва дэмакратыі, правоў чалавека і вяршэнства закона».
Эштан таксама адзначыла, што такая сітуацыя, а таксама магчымыя меры з боку ЕС будуць разгледжаны на пасяджэнні камітэта па пытаннях палітыкі і бяспекі ў Бруселі.
Дэпутатка, якая рыхтуе прыгажунь для Лукашэнкі, выйшла замуж23
Каментары