«Ці БАТЭ — гэта наша ўсё?» — задаўся пытаннем галоўны трэнер нацыянальнай зборнай.
Барысаўскі футбольны клуб БАТЭ сабатуе інтарэсы зборнай, заявіў галоўны трэнер нацыянальнай каманды, былы настаўнік алімпійскай зборнай Георгій Кандрацьеў на.прэс-канферэнцыі 13 жніўня
«Сабатаж, сапраўдны сабатаж», — сказаў ён. У якасці прыкладу трэнер прывёў сітуацыю з выклікам у зборную абаронцы Дзяніса Палякова: спачатку пазваніў галоўны трэнер БАТЭ Віктар Ганчарэнка і заявіў, што футбаліст апустошаны. Кандрацьеў адказаў, што няхай хоць у запасе пасядзіць. Затым кіраўніцтва БАТЭ паведаміла, што ў гульца траўма, аднак ён 12 жніўня выйшаў на поле ў матчы супраць «Нафтана».
Паводле слоў Кандрацьева, атрымліваецца, што зборная ідзе насустрач клубу, адпускаючы гульцоў, а клуб насустрач зборнай не ідзе.«Было б у мяне больш гульцоў, з БАТЭ нікога б не браў, — заявіў ён. — Яны сабралі зборную Беларусі. Адкуль Палякоў, Брэсан, Радзівонаў? І што, іх зараз нельга выклікаць? Ці БАТЭ — гэта наша ўсё? Я разумею, 10 мільёнаў на коне (гаворка аб прэміяльных за выхад у групавы этап Лігі чэмпіёнаў), але ёсць інтарэсы зборнай». Трэнер таксама заявіў, што ў гэтай спрэчцы федэрацыя стаіць на яго баку.
Цяпер чытаюць
СК апублікаваў відэазапіс падзення беспілотніка. На абломках паказалі ўкраінскія надпісы35
Каментары