Музыка77

СК: На целе музыкі Алега Клімчанкі няма слядоў ад удару токам

Следчы камітэт праводзіць праверку.

Цэнтральным раённым аддзелам (Гомель) упраўлення Следчага камітэта прызначана праверка па факце смерці 35-гадовага Алега Клімчанкі, музыканта гурту Litvintroll.

Як паведаміла афіцыйны прадстаўнік упраўлення Следчага камітэта па Гомельскай вобласці Марыя Крываногава, устаноўлена, што прыкладна ў 19.15 музыкант выйшаў на сцэну і хутка паваліўся.

Бачнага ўзгарання ці задымлення не назіралася. Медыкі праводзілі рэанімацыйныя мерапрыемствы, але беспаспяхова. Пры пярвічным аглядзе на целе загінулага не было выяўлена слядоў паражэння электрычным токам.
Прызначана судова-медыцынская экспертыза, якая ўстановіць прычыну смерці. Праводзіцца праверка электраабсталявання.

Нагадаем, 2 верасня ў Гарадскім цэнтры культуры (Гомеля) падчас рок-фестывалю MASS MEDIUM 2012 на сцэне загінуў удзельнік гурту Litvintroll Алег Клімчанка. Як паведамілі БелаПАН відавочцы, здавалася, што басіст гурту загінуў падчас выступлення ад удару электрычным токам. Канцэрт быў спынены, выклікалі хуткую дапамогу, усіх гледачоў вывелі з залы. Але выратаваць чалавека не ўдалося, ён памёр.

Рок-фестываль MASS MEDIUM праводзіўся ў Гомелі ўжо дванаццаты раз. Сёлета падчас шасцігадзіннага музычнага марафону было запланавана выступленне адзінаццаці рок-гуртоў.

* * *

Алег Клімчанка нарадзіўся ў 1976 годзе. Выступаў у складзе гуртоў Ossuary, Partyzone і Litvintroll.

Litvintroll — беларускі фолк-метал гурт, заснаваны ў 2005 годзе вакалістам і дударом Андрэем Апановічам і ўдарнікам Сяргеем Тапчэўскім. Тэксты гурту — на беларускай і англійскай мовах, як правіла, маюць казачны або фэнтэзійны сюжэт. У 2009 годзе выйшаў дэбютны альбом гурту Rock’n’Troll, у які ўвайшлі некалькі вольных інтэрпрэтацый беларускіх народных песень, варыяцыі на музычныя тэмы сярэдневяковай Еўропы і сучаснай Амерыкі, а таксама песні, што распавядаюць пра нялёгкае жыццё бадзяжных музыкантаў, лясных, горных і іншых троляў.

Каментары7

Цяпер чытаюць

Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі12

Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі

Усе навіны →
Усе навіны

Касмічную турыстку Марыну Васілеўскую назвалі выдатнай мінчанкай

На сёння запланаваны рэйс Дубай — Мінск1

У Барысаве адкрылі «разумную» аўтамыйню. Яе фішка — у незвычайнай прыбіральні3

У Мінску адмянілі ўшанаванне памяці ахвяр гета «з меркаванняў бяспекі»15

Амерыканскі актор Джым Керы здзівіў фанатаў сваёй знешнасцю4

Белы дом абвясціў асноўныя мэты аперацыі супраць Ірана5

Іран прыгразіў зняцца з чэмпіянату свету па футболе. Хто можа паехаць замест яго?

Пенсіянерка 10 дзён выносіла з дому грошы і золата для махляроў

«Яндэкс Музыку» немагчыма слухаць». Беларусы абураныя аб’ёмамі цэнзуры праз расійскі закон аб прапагандзе наркотыкаў29

больш чытаных навін
больш лайканых навін

Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі12

Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі

Галоўнае
Усе навіны →

Заўвага:

 

 

 

 

Закрыць Паведаміць