У пытанні выдачы Беларуссю Жаныша Бакіева Кыргызстан разлічвае на дапамогу Выканаўчага камітэта СНД.Аб гэтым, як паведамляе інфармацыйнае агенцтва 24.kg, заявіў прэс-сакратар МЗС Кыргызстана Нуржыгіт Кадырбекаў 12 верасня на сустрэчы з журналістамі ў Бішкеку.
"Кыргызстан рашуча настроены дабівацца ад Беларусі выдачы Жаныша Бакіева і іншых асоб, якія знаходзяцца ў міжнародным вышуку", — падкрэсліў ён.
Кадырбекаў нагадаў, што Кыргызстан неаднаразова звяртаўся да беларускага боку з запытамі аб выдачы Бакіева і некаторых іншых грамадзян, якія абвінавачваюцца ва ўчыненні асабліва цяжкіх злачынстваў у Кыргызстане і знаходзяцца ў міждзяржаўным вышуку на тэрыторыі СНД і ў міжнародным вышуку па лініі Інтэрпола.
"Нягледзячы на гэта, кіргізскі бок зноў атрымаў адмову беларускага боку, — сказаў ён. — Мы звярнуліся ў Выканаўчы камітэт СНД, размешчаны ў Мінску, з просьбай аб садзейнічанні ў выкананні абавязацельстваў, прынятых на сябе Беларуссю па Канвенцыі аб прававой дапамозе і прававых адносінах па грамадзянска-сямейных адносінах і крымінальных справах і іншых міжнародных дагаворах, падпісаных у 1993 годзе".
Адносіны паміж Мінскам і Бішкекам абвастрыліся ў сувязі з чарговай адмовай Генпракуратуры Беларусі выдаць малодшага брата звергнутага прэзідэнта Курманбека Бакіева Жаныбека (Жаныша) Бакіева, які тры тыдні таму быў сфатаграфаваны ў цэнтры Мінска. Здымак трапіў у інтэрнэт і стаў прычынай дыпламатычнага канфлікту: 24 жніўня Бішкек адклікаў свайго пасла з Мінска.
Раней улады Беларусі неаднаразова адмаўлялі ў выдачы Курманбека Бакіева.
Ва Украіне загінула 24-гадовая беларуская добраахвотніца Марыя Зайцава20
Каментары