67-гадовага расійскага дысідэнта Аляксандра Скобава прыгаварылі да 16 гадоў калоніі
У красавіку мінулага года яго арыштавалі па абвінавачанні ў «апраўданні тэрарызму» праз удзел у «Форуме свабоднай Расіі». Ён атрымаў на 10 гадоў болей, чым у СССР.
67-гадовага расійскага дысідэнта Аляксандра Скобава прыгаварылі да 16 гадоў калоніі. Суд прызнаў яго вінаватым па артыкулах аб «апраўданні тэрарызму» і «ўдзеле ў тэрарыстычнай супольнасці». Акрамя таго, дысідэнту прызначылі штраф у памеры 300 тысяч расійскіх рублёў, паведамляе «Новая газета. Еўропа».
Падчас судовых спрэчак пракуратура патрабавала пакараць Скобава 18 гадамі пазбаўлення волі.
Скобаў вядомы як савецкі дысідэнт. Ён выдаваў антыўрадавы часопіс, у 1970-х яго абвінавачвалі ў «антысавецкай агітацыі» і двойчы прымусова накіроўвалі на псіхіятрычнае лячэнне.
Падчас Першай чачэнскай вайны быў актыўным удзельнікам антываеннага руху. У 2000-х уваходзіў у партыю «Яблоко».
Публіцыст адкрыта крытыкаваў рэжым Пуціна і выступаў супраць вайны ва Украіне. Мінюст РФ абвясціў Скобава «замежным агентам».
У красавіку мінулага года яго арыштавалі па абвінавачанні ў «апраўданні тэрарызму» праз удзел у «Форуме свабоднай Расіі». Таксама супраць яго склалі пратакол за ўдзел у дзейнасці «нежаданай арганізацыі» — таксама праз форум.
У СІЗА ў 67-гадовага Скобава абвастрыліся хранічныя захворванні і моцна пагоршыўся зрок.
Цяпер чытаюць
У СІЗА КДБ адшукаўся падпалкоўнік Зара, якога сілавікі лічаць аналітыкам Сахашчыка. Як ён апынуўся ў Беларусі — невядома5
Каментары