Прадстаўнікі Гуцэрыева адхрысціліся ад хабару для Лукашэнкі 5 млрд даляраў
Прадстаўнікі расійскага алігарха Міхаіла Гуцэрыева назвалі «лухтой» паведамленні пра датычнасць бізнэсмэна да адкату пры продажы «Беларуськалія».
Нагадаем, што ў аўторак Аляксандр Лукашэнка на сустрэчы з прадстаўнікамі расійскіх рэгіянальных СМІ заявіў, што маскоўскія алігархі прапаноўвалі праз «аднаго Мішу» 5 мільярдаў даляраў за продаж кампаніі «Беларуськалій» ніжэй за прызначаны раней кошт ($30–32 млрд). Лукашэнка таксама паведаміў, што на адзін з сваіх дзён нараджэння атрымаў ад расіяніна ў падарунак аўтамабіль Maybach.
У прэсе з’явіліся асацыяцыі, што пад заможным расійскім «сябрам Мішам» хаваецца прадпрымальнік Міхаіл Гуцэрыеў.
«Гэта нейкая лухта. Навошта прадпрымальніку, якому беларускі ўрад даверыў рэалізацыю аднаго з найбуйнейшых інвестыцыйных праектаў, займацца такімі рэчамі, рызыкаваць?» — сказаў прадстаўнік «РуссНефті». Іншы менеджар з кампаніі, падкантрольнай Гуцэрыеву, назваў гэтыя паведамленні «нейкім непаразуменнем», пры гэтым пацвердзіў, што «ў іх (Гуцэрыева і Лукашэнкі) добрыя адносіны».
Гуцэрыеў праз падкантрольную яму «РуссНефть» і яе беларускую «дачку» пастаўляе чорнае золата на беларускія НПЗ.Між Гуцэрыевым і беларускімі ўладамі ўжо даўно склаліся трывалыя дружалюбныя адносіны.
Нядаўна спецпрадстаўніком кампаніі ў Беларусі стаўэкс-міністр замежных спраў Сяргей Мартынаў.
У кастрычніку 2011 года падкантрольная Гуцэрыеву кампанія GCM Global Energy Plc падпісала пагадненне з урадам Беларусі аб будаўніцтве
Расейскі алігарх таксама займаецца рэалізацыяй у Мінску некалькіх дэвелаперскіх праектаў. У адным з сваіх інтэрв’ю Гуцэрыеў прызнаўся, што ў 2007 годзе ўцякаў з Расіі ў Лондан праз Мінск.
У студзені 2010 года Гуцэрыеву вярнулі кантроль над «Русснефтью», аднак у красавіку ён прадаў долю (49 працэнтаў) у кампаніі карпарацыі АФК «Сістэма» Уладзіміра Еўтушэнкава. Тады ж з Гуцэрыева было знята апошняе абвінавачванне, а крымінальная справа ў дачыненні да яго спынена, што зрабіла магчымым добраахвотнае вяртанне бізнэсмэна ў Расію.
Цяпер чытаюць
«На такую х**ню павялася». Расіянка прыехала з Сібіры ў Беларусь і цяпер з мацюкамі расказвае, як тут складана жыць32
Каментары