Сярод дэлегатаў найбольшай папулярнасцю карыстаецца дэгустацыйны шапік Барысаўскага мясакамбіната.
Другі з’езд лукашэнскаўскага грамадскага аб’яднання «Белая Русь» праходзіць 3 лістапада ў Малой зале Палаца Рэспублікі ў Мінску.
У сталіцы з’ехаліся прыкладна 400 дэлегатаў з усёй краіны. У іх планах — падвесці вынікі працы за 2007–2012 гады, а таксама прыняць новую рэдакцыю статута і праграму. Пытанне аб пераўтварэнні «Белай Русі» у палітычную партыю ў парадак дня з’езда не ўключана.
«Сярод дэлегатаў найбольшай папулярнасцю карыстаецца дэгустацыйны шапік Барысаўскага мясакамбіната. А жанчыны часцей падыходзяць да прылаўках з марожаным і «Слодычам»», —адзначае карэспандэнт «Нашай Нівы».
«Белая Русь» аб'ядноўвае чыноўнікаў, ідэалагічных работнікаў, «прадстаўнікоў працоўных калектываў». Яна будуецца па тым самым прынцыпе, што кіраўнічыя партыі ва ўсіх таталітарных і аўтарытарных дзяржавах.Удзел у такім аб'яднанні — неабходная ўмова для кар'еры чыноўнікаў.
Аднак аб'яднанне не мае статусу партыі, бо партыі не маюць значэння ў сістэме адзінаасобнай улады. Таму «Белая Русь» існуе яе бы на будучыню — на выпадак, калі сістэму трэ будзе перабудаваць на ўзор кіраванай, дэкаратыўнай дэмакратыі.
Узначальвае «Белую Русь» першы намеснік кіраўніка Адміністрацыі прэзідэнта Аляксандр Радзькоў.
Цяпер чытаюць
У Мінску прадаюць дом на вадзе. Колькі просяць за незвычайны аб'ект на Чыжоўскім вадасховішчы?2
Каментары