Дзве групы падлеткаў былі затрыманыя ў Мінску за нанясенне надпісаў на сцены гарадскіх збудаванняў.
Як паведамілі ў ГУУС Мінгарвыканкама,
днём 6 лістапада супрацоўнікамі міліцыі ў двары дома № 44 па праспекце Незалежнасці былі затрыманыя шасцёра маладых людзей, што размалявалі сцяну гаражоў.Падлеткаў даставілі ў Савецкае РУУС, дзе яны расказалі, што на фоне сваіх графіці планавалі зладзіць фотасесію. Дастаўленым па 15–16 гадоў, у дачыненні да старэйшых з іх разглядаецца пытанне аб прыцягненні да адміністрацыйнай адказнасці.
3 лістапада супрацоўнікі УУС па ахове Мінскага метрапалітэна ў падземным пераходзе станцыі метро «Парк Чалюскінцаў» непасрэдна падчас нанясення роспісаў затрымалі дваіх падлеткаў.
Шаснаццацігадовых юнакоў пасля разбору перадалі бацькам, разам з якімі яны на наступны дзень змылі са сцяны нанесеныя маркерам надпісы.
Ва ўпраўленні аховы правапарадку і прафілактыкі ГУУС Мінгарвыканкама адзначылі, што
штотыдзень у розных частках горада выяўляюць факты так званага вулічнага вандалізму.Часцей за ўсё месцам для незаконнага «творчасці» графітыстаў становяцца фасады будынкаў, падземныя пераходы, прыпынкі грамадскага транспарту. Гораду наносіцца шкоду на дзясяткі мільёнаў рублёў.
У ГУУС нагадалі, што артыкуле 10.9 КаАП за наўмыснае знішчэнне або пашкоджанне маёмасці, якія пацягнулі прычыненне шкоды ў нязначным памеры, прадугледжвае накладанне штрафу ад 30 да 50 базавых велічынь.З пачатку гэтага года да адміністрацыйнай адказнасці за несанкцыянаванае нанясенне надпісаў на фасады будынкаў і іншых інжынерных збудаванняў, а таксама пашкоджанне маёмасці арганізацый і ўстаноў шляхам нанясення надпісаў ў Мінску прыцягнута да адміністрацыйнай адказнасці больш за 30 чалавек.
У прыватнасці, па артыкуле 218 КК (наўмыснае знішчэнне або пашкоджанне маёмасці) магчыма пакаранне ў выглядзе абмежавання волі на тэрмін да двух гадоў.Калі памер шкоды прызнаецца значным, то дзеянні зламысніка могуць пацягнуць крымінальную адказнасць.
Цяпер чытаюць
Мацкевіч: Ціханоўскую зняць, замяніць, пераабраць нельга. Не мучайцеся. Нельга — і ўсё17
Каментары