Людзі робяць справу
Шмат якія падзеі нацыянальнага маштабу мінаюць незаўважна. Вось выйшаў на відэакасэтах у перакладзе на беларускую мову фільм “Пан Тадэвуш”. Колькі існуе нацыя, столькі “Пана Тадэвуша” перакладаюць — ад Марцінкевіча да Семяжона. Нават у турмах перакладалі, як Тарашкевіч. Пераклад відэа адбыўся дзякуючы стараньню аднаго энтузіяста — Віталя Станішэўскага. Ён арганізуе агучваньне, наладжвае распаўсюд. Пры нулі ўвагі з боку дзяржавы.
Намесьнік старшыні Берасьцейскага аблвыканкаму Леанід Цупрык узначаліў камісію па аднаўленьні сядзібы іншага нашага славутага земляка — Касьцюшкі. Кошт працаў пакуль невядомы, але Л.Цупрык чакае, што адбудова пройдзе ня толькі за бюджэтныя грошы, але і на ахвяраваньні... з краінаў, дзе Касьцюшка прызнаны нацыянальным героем. Але Касьцюшка для нас — перадусім наш нацыянальны герой, а не францускі ці польскі. Ці не ганебна прасіць грошы за мяжой на ўшанаваньне нашага нацыянальнага героя?
Нашу нацыю па-ранейшаму ствараюць простыя грамадзяне, а ганьбяць, на жаль, кіраўнікі.
Андрэй Дынько
«Месячны плацеж пацягне на 340 рублёў». Што будзе ў Беларусі з мабільным інтэрнэтам?15
Каментары