Паводле міжнародных нормаў, рэкрэацыйныя зоны нацпаркаў не павінны перавышаць 10% агульнай плошчы, а ў праекце яны займаюць амаль 26%.
Прадугледжваецца таксама пракладка 20 км аўтадарог і 26 км пешаходных і роварных дарожак, што аўтаматычна павялічыць нагрузку на лес. Эколягі і лагойцы крытыкуюць праект нацпарку «Белая Русь».
У беларускіх падручніках па геаграфіі 1985 г. выданьня расказвалася, што ў хуткім часе ў Лагойскім раёне будзе створаны першы ў рэспубліцы нацыянальны парк «Белая Русь». Прайшло 20 гадоў, у краіне створаны чатыры нацыянальныя паркі, а падручнікі не памяняліся, і чуткі пра парк па-ранейшаму бянтэжаць мясцовых жыхароў.
29 кастрычніка ў Лагойску прайшлі грамадзкія слуханьні, ініцыяваныя Міністэрствам прыроды, аб стварэньні нацыянальнага парку. Упершыню ў Беларусі праводзілася працэдура грамадзкіх слуханьняў адпаведна патрабаваньням міжнародных інструкцый — апытваліся і інфармаваліся мясцовыя жыхары, на жыцьці якіх у першую чаргу адаб’ецца стварэньне парку.
Агульная плошча нацыянальнага парку, паводле праекту, складзе больш за 25 тысяч га. Мяркуецца, што ў яго склад увойдуць землі Лагойскага лясгасу, калгасаў «Плешчаніцкі», «Кастрычніцкі», імя Машэрава, «8 сакавіка» і мэмарыяльнага музэю «Хатынь».
Паводле падлікаў праектантаў з Акадэміі навук, чысты прыбытак ад турызму складзе 90—95 тыс. у.а. штогод. Аднак пачатковы капітал, неабходны для стварэньня парку, складае 6,5 мільёна у.а.
Вераніка Дзядок, Лагойск
Цяпер чытаюць
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках66
Каментары