У мітынгу ў падтрымку кіраўніка Чачні Рамзана Кадырава, які прайшоў у Грозным, узяло ўдзел каля мільёна чалавек, заявілі афіцыйныя прадстаўнікі рэспубліканскага МУС.
«Ніякіх інцыдэнтаў падчас акцыі не зафіксавана», — дадалі яны.
Фота @varlamov
Паводле дадзеных Дзяржкамстата, насельніцтва Чачні на 1 снежні 2015 года складала 1 393 000 чалавек.
Мітынг у Грозным быў заяўлены як акцыя падтрымкі кіраўніка Чачні Рамзана Кадырава. Пры гэтым многія ўдзельнікі мерапрыемства прыйшлі з плакатамі, на якіх былі напісаныя лозунгі супраць расейскіх апазіцыйных дзеячаў.
Фота @scumsquad
Спіс лозунгаў для мітынгу ў падтрымку Кадырава напярэдадні мерапрыемствы апублікавала выданне Znak.com. Большасць з іх — гэта рыфмаваныя крычалкі, у якіх утрымліваюцца негатыўныя выказванні пра расійскую апазіцыю.
Рамзан Кадыраў 12 студзеня назваў расійскую пазасістэмную апазіцыю «здраднікамі» і «ворагамі народа». Заява Кадырава выклікала крытыку з боку праваабаронцаў. У сваю чаргу шэраг чачэнскіх палітыкаў выступілі ў абарону Кадырава і з пагрозамі ў адрас апазіцыянераў.
