Па даручэнні Лукашэнкі кіраўніца ягонай адміністрацыі Наталля Качанава сёння ў Магілёве сустрэлася з прадстаўнікамі мясцовай цыганскай дыяспары, паведамляе БелТА.
Нагодай для размовы сталі скаргі на праверкі па факце гібелі інспектара ДПС Яўгена Патаповіча. Лукашэнка накіраваў Качанаву для грунтоўнай гутаркі.
Наталля Качанава папрасіла прабачэння ў мясцовай дыяспары, калі сапраўды падчас расследавання абставінаў справы былі факты некарэктных дзеянняў.
Таксама Качанава акцэнтавала ўвагу, што па ўсіх скаргах і зваротах будуць праведзены разборы, і асабліва адзначыла, што міжэтнічны мір і згода ў нашай краіне з'яўляюцца безумоўным прыярытэтам.
Паехаць на размову ў аблспажыўсаюз (там у актавай залі была прызначаная сустрэча) змаглі каля 30 цыганоў — іх дэлегавала дыяспара, паведаміў Tut.by. Сустрэцца з людзьмі, мяркуючы па таблічках у прэзідыуме на сцэне актавай залі, павінны былі кіраўніца адміністрацыі прэзідэнта Наталля Качанава, прэс-сакратарка прэзідэнта Наталля Эйсмант, памочнік прэзідэнта па рэгіёне Міхаіл Русы, губернатар Магілёўшчыны Леанід Заяц, мэр Магілёва Уладзімір Цумараў, міністр унутраных спраў Ігар Шуневіч і кіраўнік УУС Магілёўскай вобласці Ігар Шчарбачэня.
Аднак потым шыльды з прозвішчамі Шуневіча і Эйсмант прыбралі.
На сустрэчы з цыганскай дыяспарай прадстаўнікоў МУС не было.
Чытайце таксама: Шуневіч: У мяне няма ні нагоды, ні падставаў выбачацца перад цыганамі
«Усіх мужчын закрылі, пасёлак стаіць пусты!» — пасля забойства даішніка ў Магілёве міліцыя масава затрымлівала цыганоў РЭПАРТАЖ
Цыганскі барон Магілёва: Пад вартай цяпер каля сотні чалавек
У Магілёве пачалі вызваляць мясцовых цыганоў, затрыманых у дзень забойства супрацоўніка ДАІ
«Цыганскага следу зусім магло не быць». Былы следчы Волчак — пра расследаванне забойства інспектара ДАІ
Асноўная версія СК: 22-гадовы даішнік Яўген Патаповіч здзейсніў суіцыд
