Тысячы людзей у цэнтры Мінска пратэставалі супраць вайны. Каля Мінабароны скандавалі «Не вайне!», а таксама «Слава Украіне!»
Усе цэнтральныя вуліцы сталіцы былі запоўненыя аўтамабілямі, якія сігналілі. У некаторых аўтамабілях людзі ўключалі гімн Украіны.
Усе цэнтральныя вуліцы сталіцы былі запоўненыя аўтамабілямі, якія сігналілі. У некаторых аўтамабілях людзі ўключалі гімн Украіны. Як гэта выглядала, можна бачыць на відэа.
Разганялі людзей сілавікі як у чорнай, так і ў аліўкавай форме без знакаў адрознення. Яны атачалі людзей і хапалі каго маглі. Затрымлівалі перш за ўсё маладых мужчын, людзей старэйшага веку не чапалі. Да 17.20 сілавікі выцеснілі мінчукоў ад Генштаба.
Каля Генштаба пры гэтым дзяжурылі бронеаўтамабілі.
Людзі збіраліся і скандавалі «Не вайне!» таксама на Нямізе, праспектах Незалежнасці, Пераможцаў і Машэрава, вуліцах Багдановіча і Куйбышава, у парку між Генштабам і Свіслаччу, на Асмолаўцы.
Людзі працягваюць несці кветкі да ўкраінскага пасольства, уся агароджа ўвешаная кветкамі. Калі пасольства дзяжураць сілавікі, стаіць амапаўскі аўтобус.
Каментары