Гульню «Што? Дзе? Калі?» ўпершыню за доўгі час паказалі не ў жывым эфіры. Магчыма, баяліся паўтарэння сітуацыі з плакатам
Інтэлектуальная расійская віктарына «Што? Дзе? Калі?» вярнулася ў эфір расійскага «Першага канала» пасля перапынку. У першай гульні вясновай серыі за сталом аказалася каманда «Расатама» Канстанціна Рудэра. Аднак праграма зведала глабальныя змены.
Шоу паказалі ў запісе — Першы канал відавочна перастрахаваўся на выпадак, калі хто-небудзь са знатакоў можа убегчы у кадр з плакатам ці сказаць што-небудзь лішняе. Перадгульнявой трансляцыі не было, а з экрана знік звыклы для «Што? Дзе? Калі?» надпіс «жывы эфір».
Вядучы Барыс Крук адмовіўся ад яшчэ адной традыцыі: гэтым разам ён не абвясціў час пачатку гульні. Не было і музычнай паўзы.
Некаторыя гледачы заўважылі, што зала апусцела. Аляксандр Друзь, Андрэй Казлоў, Міхаіл Скіпскі і Максім Паташоў прысутнічалі на здымках, а каманды Барыса Белазёрава, Алены Повышавай, Лізаветы Аўдзеенка і Алеся Мухіна — не.
Замест іх у паляўнічы дамок пусцілі маладых ноунэймаў, верагодна, хутка ім прыйдзецца замяняць тых, хто не захацеў (ці не захоча) асацыявацца з «Першым каналам».
Знік і адзін з «мемных» персанажаў гульні — абаронца тэлегледачоў Дзмітрый Брэйтэнбіхер. Месца старшага віцэ-прэзыдэнта ВТБ, што трапіў пад санкцыі, у зале заняў дырэктар «Альфа-Банка» Уладзімір Верхашынскі. Яно і зразумела: у ШДК змяніўся спонсар.
Затое цяпер, калі знатакі няправільна адказалі на пытанне, тэлеглядач атрымлівае ажно сто тысяч рублёў.
Але гэта не змяніла галоўнага — гульня пакідае пасля сябе панурае ўражанне. Расчараваныя гледачы ўжо запоўнілі фан-супольнасці «Што? Дзе? Калі?» негатыўнымі каментарыямі.
-
Paramount, узначалены блізкім да Трампа мільярдэрам, уступіў у барацьбу з Netflix за Warner Bros
-
М’янма выйшла ў сусветныя лідары па вытворчасці метамфетаміну і опіуму
-
Расійская неанацыстка, якая адсядзела 16 гадоў за забойства адваката і журналісткі: Ён напрошваўся сваімі поглядамі на чачэнскую кампанію
Цяпер чытаюць
Міністр унутраных спраў Літвы абураны перавозчыкамі: Пасля паездкі ў Беларусь яны вяртаюцца з прамытымі мазгамі5
Міністр унутраных спраў Літвы абураны перавозчыкамі: Пасля паездкі ў Беларусь яны вяртаюцца з прамытымі мазгамі
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы2222
Каментары