Ва Украіне загінуў бацька 14 дзяцей з Татарстана. Ён пайшоў на вайну, калі паднялі выплату за падпісанне кантракту да $10 тысяч
Гэта адна з самых вялікіх сумарных выплат кантрактнікам у Расіі.
Ва Украіне загінуў 44-гадовы жыхар Татарстана Абрагам Мэлех, у якога было 14 дзяцей, у асноўным непаўналетнія. Аб пахаванні Мэлеха, што прайшло 2 кастрычніка ў Елабузе, паведаміў мясцовы тэлеканал, піша Медуза.
Кантракт на службу ў войску Мэлех заключыў у ліпені 2024 года. У ліпені ў Татарстане ўдвая павялічылі аднаразовыя выплаты за заключэнне кантракту на вайсковую службу — да 1,05 мільёна расійскіх рублёў (прыкладна 10 500 даляраў па сённяшнім курсе) з рэспубліканскага бюджэту.
З улікам муніцыпальных выплат і выплат з федэральнага бюджэту, людзі, якія вырашылі пайсці на вайну з Украінай маглі атрымаць больш за 1,5 мільёна расійскіх рублёў (15,8 тысяч даляраў). Гэта адна з самых вялікіх сумарных выплат кантрактнікам у Расіі.
У Мэлеха 11 дзяцей ад першага шлюбу і трое ад другога. Старэйшай дачцэ 22 гады, малодшаму сыну дзевяць месяцаў. 11 з яго дзяцей — непаўналетнія.
Раней яго звалі Уладзімір Голуб, але затым ён змяніў імя на Абрагам Ізраілевіч Мэлех і стаў даваць габрэйскія імёны і сваім дзецям.
Ён шмат гадоў працаваў зваршчыкам на аўтазаводзе «КамАЗ», але хацеў спяваць, браў урокі вакалу і выступаў на гарадскіх святах. У артыкуле ў мясцовай газеце, які выйшаў у 2016 годзе, Голуб, які яшчэ не змяніў на той момант імя і быў жанаты першым шлюбам, тлумачыў, што яны з жонкай «вернікі, таму аборты лічаць непрымальнымі і разлічваюць, што «падымуць» усіх дзяцей (тады іх было восем). Пры гэтым, шматдзетная сям'я жыла ў здымнай кватэры.
Гайдукевіч параіў беларусам, якія не здзяйснялі злачынстваў, «адседзець і жыць далей»19
Каментары