Беларуская культура

Няма беларускай культуры

Даю беларускай культуры

Вінавачу беларускую культуру

Паслугуюся беларускай культурай

Размаўляю аб беларускай культуры

Самая праскланяная за гэты год грамадская кампанія «Будзьма беларусамі!» святкавала спаўненне гэтага самага году ў Тэатры беларускай драматургіі. Было карпаратыўненька і інтэрактыўненька:

гледачы глядзелі на сцэну, дзе выступалі Алесь Камоцкі, «Крамбамбуля» і IQ-48, а выступоўцы ў сваю чаргу маглі зіркаць на насамрэчных Радзіма Гарэцкага і Піта Паўлава, што сядзелі ў партэры. Зміцер Вайцюшкевіч спяваў на словы прысутных у залі Леаніда Дранько-Майсюка, Генадзя Бураўкіна і патрыярха беларушчыны Рыгора Барадуліна. Патрыярх у сваю чаргу жвава рэагаваў на сцэне і нават агучыў экспромт у гонар канцэрту.

Заяўленага шоу не атрымалася — у залі не было каго здзіўляць і ўма(ў)ляць быць беларусамі: пагадзіцеся, недарэчна тлумачыць пра каштоўнасць айчыннага культурнага прадукта аўтару «Нар.альбома» Міхалу Анемпадыставу. Увогуле, усё нагадвала не першую гадавіну будзьмаўскага жыцця, як упарта цвердзілі вядоўцы, а першую гадавіну вяселля паміж «Будьмай« і беларушчынай: хоць любоў ужо ёсьць, аднак кахання яшчэ хочацца.

Што змяніў канцэрт «Будзьмы»:

1. На канцэрце «Будзьма!», пэўна, качаткова замацаваўся Такінданг у якасці афіцыйнага твара беларушчыны.

2. Зацверджаны афіцыйны напой кампаніі: квас (яго падносілі ўсім, нават заўзятым прыхільнікам крамбамбулі — тыя не адмаўляліся).

3. Былі зацверджаныя новыя накірункі дзейнасці па абеларушванні прадстаўнікоў больш экзатычных і менш пашыраных у Беларусі рэлігіяў, пра гэта заявіў Лявон Вольскі ў сваім закліку «Будма!»

Спявак Зміцер Вайцюшкевіч і матор кампаніі «Будзьма» Алена Макоўская.

Гасцям, у тым ліку Вольскаму, налівалі квас.

Спявае Вайцюшкевіч.

Спявае Алесь Камоцкі.

Нацыя найхарашэйшых дзяўчат.

Лявон Вольскі і «Крамбамбуля».

Генадзь Бураўкін і Радзім Гарэцкі: сярод маладых і нас цягне ў рожкі пайсці.

Каардынатарка кампаніі «Будзьма» Ніна Шыдлоўская і Рыгор Барадулін: дзякуй Вам, дзяўчаты!

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру