MUS i MNS inicyjujuć źnižeńnie vypusku i spažyvańnia ałkaholu
Udzielniki apieratyŭnaj narady pastajannaj rabočaj hrupy pa kaardynacyi dziejnaści orhanaŭ prakuratury ŭ halinie prafiłaktyki pravaparušeńniaŭ vyrašyli inicyjavać pryniaćcie dadatkovych mier, u tym liku narmatyŭna-pravavych, da źnižeńnia ŭzroŭniu vypusku i spažyvańnia ałkaholnych napojaŭ. Pra heta havorycca ŭ paviedamleńni Hienieralnaj prakuratury Biełarusi pa vynikach mierapryjemstva, jakoje prajšło 12 lipienia.
Rabočaja hrupa była stvoranaja ŭ Hienprakuratury ŭ kancy maja. U pracy narady ŭziali ŭdzieł adkaznyja słužbovyja asoby MUS, MNS, departamienta dziaržaŭnaj inśpiekcyi pracy Ministerstva pracy i sacyjalnaj abarony, Ministerstva sielskaj haspadarki i charčavańnia, jakija ažyćciaŭlajuć funkcyi pa prafiłaktycy pravaparušeńniaŭ.
Inicyjatyva narady adnosna źnižeńnia vypusku i spažyvańnia ałkaholu ŭ krainie vyklikana tym, što asnoŭnaj pryčynaj učynieńnia bolšaści złačynstvaŭ suprać asoby, niaščasnych vypadkaŭ na vytvorčaści, hibieli ludziej na pažarach i ad utapleńnia źjaŭlajecca ałkaholnaje apjanieńnie.
U lipieni 2013 hoda sumiesna z orhanami MNS budzie praviedzieny manitorynh efiektyŭnaści pracy Asvoda i inšych słužb pa arhanizacyi biaśpieki ludziej na vodach.
Akramia taho, Ministerstvu ŭnutranych spraŭ prapanavana praanalizavać u Hrodzienskaj i Viciebskaj abłaściach, Minsku pryčyny rostu liku zabojstvaŭ, pryčynieńnia ciažkich cialesnych paškodžańniaŭ, jakija paciahnuli śmierć. Departamientu dziaržaŭnaj inśpiekcyi pracy — vyvučyć pryčyny pavyšeńnia ŭzroŭniu vytvorčaha traŭmatyzmu jak u cełym pa krainie, tak i ŭ asobnych rehijonach, a taksama ŭkazana na nieabchodnaść aktyvizacyi prafiłaktyčnaj pracy z metaj praduchileńnia vypadkaŭ vytvorčaha traŭmatyzmu va ŭzajemadziejańni z orhanami prakuratury.
Kamientary