Maleńkaja lustranaja fihurka z zamorskaj nazvaj «flikier» kaštuje nieapraŭdana doraha dla svaich pamieraŭ — kala 3,5 tysiač. Mahčyma, inspektary raźličvajuć na toje, što nieparaŭnalna bolšyja štrafy ŭsio ž prymusiać biełarusaŭ rasščodrycca na niezvyčajnuju pakupku.
Maleńkaja lustranaja fihurka kaštuje nieapraŭdana doraha dla svaich pamieraŭ — kala 3,5 tysiač. Mahčyma, raźlik na toje, što nieparaŭnalna bolšyja štrafy ŭsio ž prymusiać biełarusaŭ rasščodrycca na niezvyčajnuju pakupku.
Kiraŭnictva MUS abviaściła svojeasablivuju ŭsieahulnuju mabilizacyju milicyjanieraŭ na baraćbu z darožna‑transpartnymi zdareńniami ŭ ciomny čas sutak.
Jak paviedamili va ŭpraŭleńni Dziaržaŭtainśpiekcyi MUS krainy, ministr unutranych spraŭ Uładzimir Navumaŭ vydaŭ zahad, pavodle jakoha ŭvieś asabovy skład biełaruskaj milicyi zadziejničany ŭ naviadzieńni naležnaha paradku na avaryjna‑niebiaśpiečnych učastkach daroh. U pryvatnaści, supracoŭniki orhanaŭ unutranych spraŭ nie tolki aktyŭna vyjaŭlajuć piešachodaŭ, viełasipiedystaŭ, vadzicielaŭ hužavoha transpartu, jakija nie abaznačajuć siabie ŭ ciomny čas sutak śviatłoadbivalnymi elemientami, ale i padrabiazna tłumačać nieśviadomym hramadzianam nieabchodnaść vykarystańnia flikieraŭ. Asoby, jakija nie rupiacca načapić hety nievialički značok ci stužačku, niaredka stanoviacca achviarami DTZ. Naprykład, niadaŭna ŭ Smalavickim rajonie pad kołami aŭtamabila nočču zahinuła žančyna, jakaja ruchałasia pa prajeznaj častcy darohi bieź flikiera.
Kab vypravić situacyju, Dziarž‑aŭtainśpiekcyjaj 20 žniŭnia była abvieščana śpiecyjalnaja biesterminovaja akcyja «Stań zaŭvažnym u ciemry!» U ramkach hetaj akcyi pravodziacca prafiłaktyčnyja mierapryjemstvy i štodzionnaja tłumačalnaja praca z nasielnictvam. Ale zakliki i prośby milicyjanieraŭ da ciomnych u pramym i pieranosnym sensie słova piešachodaŭ apošnimi nie zaŭsiody prymajucca da viedama, tamu vartavyja pravaparadku zaraz karajuć rublom niepasłuchmianych udzielnikaŭ darožnaha ruchu. Z pačatku akcyi da administracyjnaj adkaznaści byli pryciahnuty bolš za 6 tysiač piešachodaŭ, jakija ŭ ciomny čas sutak, ruchajučysia pa prajeznaj častcy darohi, nie abaznačyli siabie flikierami. Za padobnaje parušeńnie praduhledžany štraf u pamiery ad 31 tys. da 93 tys. rubloŭ.
Kamientary