Heta pieršaja sustreča paśla śniežnia 2012.
21 žniŭnia palitviazień, staršynia pravaabarončaha centru «Viasna» Aleś Bialacki sustreŭsia ŭ Babrujskaj kalonii z žonkaj Natallaj Pinčuk i siastroj Volhaj.
Spatkańnie Alesia sa svajakami doŭžyłasia dźvie hadziny, kantaktavali jany praz škło pa telefonie. Heta pieršaja sustreča paśla śniežnia 2012 hodu.
Natalla Pinčuk kaža, što razmaŭlali jany ź siastroj Volhaj pa čarzie, bo telefonnaja trubka była adna. Aleś kazaŭ, što adčuvaje siabie dobra, nastroj u jaho badziory. Jon pa-raniejšamu pracuje na šviejnaj vytvorčaści, zajmajecca ŭpakoŭkaj pradukcyi, jakuju vypuskajuć u Babrujskaj kalonii. Palitviazień šmat čytaje, atrymlivaje presu, tamu viedaje pra asnoŭnyja padziei ŭ krainie. Padčas sustrečy jon cikaviŭsia žyćciom svaich blizkich i znajomych, navinami.
Da kanca hodu pavinny adbycca jašče dva spatkańni Alesia z rodnymi: doŭhaterminovaje ŭ listapadzie i karotkaterminovaje ŭ śniežni.
Z sakavika pa červień 2012 hodu Aleś Bialacki atrymaŭ try vymovy, jamu zabaranili spatkańni i nadali status «złosnaha parušalnika režymu». U žniŭni 2012 hodu Bialacki atrymaŭ jašče dźvie vymovy za niaznačnyja parušeńni režymu. Taksama jaho pazbavili charčovych pieradačaŭ. Tolki 7 žniŭnia 2013 hodu źniavolenamu kiraŭniku «Viasny» paśla doŭhaha pierapynku dazvolili charčovuju pieradaču.
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ89
Kamientary