Jeŭrakamisija ŭ Suśvietnaj handlovaj arhanizacyi (SHA) inicyjuje praceduru parušeńnia suprać Rasii, paviedamlaje euobserver.com.
Pracedura źviazana z abmiežavańniami impartu ŭ Rasii na tavary ź ES. Pavodle padlikaŭ, mahčymyja straty skłali kala 10 młrd jeŭra.
Kamisija niadaŭna paviedamiła taksama, što buduć pradjaŭlenyja i abvinavačvańni rasijskamu hihantu «Hazpromu» ŭ suviazi z cenavaj palitykaj u Jeŭropie.
Delehacyja Jeŭrakamisii ŭ piatnicu ŭ Maskvie budzie vyśviatlać, čamu Rasija abviaściła błakadu litoŭskich małočnych praduktaŭ. Pa słovach adkaznaha za padatki jeŭrakamisara Alhirdasa Šemiety, kali arhumienty nie pierakanajuć, to JEK raspačnie adpaviednyja dziejańni.
«Inšy momant: z małočnymi praduktami - delehacyja Kamisii adbyvaje zaŭtra — adkazny za hetuju vobłaść Dyrektarat pa pytańniach achovy zdaroŭja i moj kaleha Tonia Borh. Delehacyja Kamisii zaŭtra adpravicca ŭ Maskvu razmaŭlać pa hetych pytańniach i vyśviatlać pryčyny, čamu tak adbyvajecca. Biez sumnievu, kali hetyja pryčyny buduć niedastatkova matyvavanyja, sama Kamisija taksama hatova raspačać adpaviednyja dziejańni», — skazaŭ Šemieta ŭ čaćvier žurnalistam u Vilni paśla sustrečy z premjeram Alhirdasam Butkiavičusam.
Pavodle jaho słoŭ, delehacyja sustreniecca i z kiraŭnikom Raśsielhasnahladu Hienadziem Aniščankam.
«JEK vyrazna skazała, što ŭnutry Jeŭrasajuza (ES) my nie bačym prablem ź jakaściu litoŭskich małočnych praduktaŭ, tamu nam časam niezrazumiełyja peŭnyja pretenzii da takich praduktaŭ», — skazaŭ Šemieta.
Dyrektar Dziaržaŭnaj charčova-vieterynarnaj słužbyLitvy Jonas Milusskazałŭ BNS, što ŭ składzie delehacyi budzie namieśnik kiraŭnika Dyrektarata pa pytańniach achovy zdaroŭja i abarony spažyŭcoŭ JEK Ładzisłaŭ Miko.
Kamientary